عام آدمی پارٹی ہٕنٛدۍ کارکُن چھِ پارٹی ہُنٛد ساروِی کھۄتہٕ بوٚڈ طاقت: کجریوال

عام آدمی پارٹی (اے اے پی) کِس قومی کنوینر اروند کیجریوالن ووٚن زِ پارٹی کارکُن چھِ پارٹی ہٕنٛز ساروِی کھۄتہٕ بٔڑ طاقت، آز ییٚتہِ أکِس پریس کانفرنسس منٛز خطاب کران، "پٔتمٮ۪ن دۄن ؤرۍ یَن منٛز چھِ أسۍ ساروِی کھۄتہٕ مُشکِل دورٕ منٛزٕ گُزریمٕتۍ مگر یہِ چھُ وننہٕ یِوان زِ خدا چھُ صرف پننٮ۪ن ٹٲٹھۍ نوکرَن مشکلات دِوان، خدا چھُ تِمَن مستقبلٕک چیلنجَن ہُنٛد امتحان دِوان۔ ییلہٕ خدا واریاہ مشکلات سوزان چُھ، یہٕ چُھ اکھ نشانی زِ خدا چُھ یژھان زِ توہہِ کٔرِو مستقبلس منٛز کینٛہہ بوٚڑ کٲم، اسہِ پزِ نہٕ مشکلاتن سۭتۍ خوفزدہ گژھُن بلکہ بہادری سۭتۍ تمن ہنٛد مقابلہٕ کرُن۔ ‘‘
کجریوالَن ووٚن زِ پوٗرٕ پارٹی چھِ وُنیُک تام تمام مسلن ہُنٛد سٮ۪ٹھاہ بہادُری، ہمت تہٕ دانٲیی سۭتۍ مُقابلہٕ کوٚرمُت۔ اسہِ پھٹراونہٕ تہٕ مو٘لہِ ہینہٕ خٲطرٕ آیہ وارِیاہ كوُشِشہِ كرنہٕ مگر اسہِ گیہ نہٕ پھٗٹرٲوِتھ ۔ پارٹی ہٕنٛدۍ سٲری کارکُن چھِ أکِس عیالَس پٲٹھۍ کھڑا یِمَن سٮ۪ٹھاہ طاقت تہٕ جذبہٕ چھُ۔
"آزٲدی ہٕنٛدِ 75 ؤرۍ یَو پتہٕ گۄڈٕنِچہِ لَٹہِ بوٗز ییٚمہِ مُلکَن سیاستَس منٛز لوٗکَن سۭتۍ وابستہٕ مسلہٕ۔