شاہن کوٚر اعلیٰ سطحی اجلاسَس منٛز منی پوٗرٕچ صورتہِ حالُک جٲیزٕ۔

منی پوٗرَس منٛز تشدد کٮ۪ن بڑَن وٲلۍ واقعاتَن درمیان کوٚر مرکزی وزیر داخلہ امیت شاہَن آتھوارِ دۄہ ییٚتہِ سینئر سیکیورٹی اہلکارَن سۭتۍ أکِس اعلیٰ سطحی اجلاسَس منٛز ریاستٕچ سیکیورٹی صورتحالُک جٲیزٕ۔
مرکزَس منٛز سیکورٹی اِدارَس نزدیٖک ذٔرایَو ووٚن زِ وزیرِ داخلہ ترٛوو مہاراشٹرٛاہَس منٛز مُہِم پروگرام نامُکمل تہٕ ووت دۄہ برٛونٛہہ ییٚتہِ تہٕ کوٚرُن نارتھ بلاک کٮ۪ن سینئر سیکیورٹی اہلکارَن سۭتۍ مُلاقات منٛز منی پوٗرٕچ صورتہِ حالُک جٲیزٕ۔ ذٔرایعن ووٚن زِ شاہ کَرِ پَگہہ بٔڑِس حُکامَن سۭتہِ اَمن بحال کرنہٕ تہٕ رِیاستَس منٛز صورتحال معمول بناونہٕ کٮ۪ن اقداماتن پٮ۪ٹھ کَتھ باتھ۔
واریٛاہَن ضِلعن منٛز چھُ کرفیو نافذ کرنہٕ آمُت تہٕ منی پوٗرَس منٛز تشددٕک تازٕ واقعہٕ پتہٕ چھِ کینٛہَن باقٕے علاقَن منٛز انٹرنیٹ سروس تہِ بنٛد کرنہٕ آمٕژ۔
تشددٕک واقعہٕ پتہٕ کٔر شرارتہٕ ہجوٗمَن توڑ پھوڑ تہٕ کوٚرُکھ کینٛہَن ایم ایل اے تہٕ وزیرَن ہٕنٛدٮ۪ن گَرَن نار