12 مئی تام کٔشیٖرِ منٛز موسمٕچ حالت خراب روزنُک اِمکان۔

بھارتی محکمہ موسمیات (آئی ایم ڈی) مُطٲبِق چھُ یِنہٕ والٮ۪ن ژۄن دۄہَن دوران وادی کشمیرَس منٛز موسمی حالات خراب روزنُک امکان۔
مُتعلقہٕ محکمہٕ کِس ترجُمانَن ووٚن زِ 8 مئی روزِ وادی منٛز موسم اوٚبُر تہٕ واریٛاہَن جایَن پٮ۪ٹھ گرٛٮ۪و سۭتۍ ہلکہٕ پٮ۪ٹھٕ درمیٲنی روٗد پیٚنُک اِمکان۔
تٔمۍ ووٚن زِ 9 تہٕ 11 مئی چھُ کینٛہَن جایَن پٮ۪ٹھ ہلکہٕ پٮ۪ٹھٕ درمیٲنی روٗد پٮ۪نُک اِمکان، ییٚلہِ زَن اتھ وقتس دوران تیز ہوا تہِ ہٮ۪کہِ وَسان۔