جوٚمَس منٛز تعمیٖرٲتی جایہِ پٮ۪ٹھ ڈکیتی تہٕ مُلٲزمَن پٮ۪ٹھ حملہٕ پتہٕ شےٚ گِرِفتار۔

پُلسن کٔرۍ بۄدوارِ دۄہ جموں کِس سانبا ضِلعس منٛز أکِس بٔڑِ واقعہٕ پتہٕ شےٚ نَفر گِرِفتار۔ شیٚن یِمَن پٮ۪ٹھ چھُ أکِس تعمیٖرٲتی کمپنی ہٕنٛزِ جایہِ پٮ۪ٹھ حملہٕ، سیکیورٹی گارڈن تہٕ موٚزوٗرَن پٮ۪ٹھ حملہٕ تہٕ تعمیٖرٲتی سامان لوُٹُنُک الزام۔
پُلسہٕ مُطٲبِق گوٚو یہِ واقعہٕ 12 تہٕ 13 اکتوبر رٲژ جموں پٹھان کوٹ قومی شاہراہَس پٮ۪ٹھ سرور گامَس منٛز پیش۔ رپورٹ موصول گژھنہٕ پتہٕ کوٚر پولیسَن مقدمہٕ درٕج تہٕ کٔرٕکھ تفتیش شُروٗع
شِکایتَس منٛز اوسُکھ ونٛنہٕ آمُت زِ لَگ بَگ اَکھ درجن نفرَن ہٕنٛزِ أکہِ جمٲژ کوٚر صبحٲے 12:15 بجہِ کمپنی ہٕنٛزِ جایہِ پٮ۪ٹھ چھاپہٕ۔ تِمو لگٲوۍ رٲچھ درَن تہٕ باقٕے موٚزوٗرَن کَنہِ کَنہِ تہٕ پتہٕ لٔٹِکھ تِمَن لورٮ۪و تہٕ شیشتٕرٕچ لوریو سۭتۍ بےٚ دردی سان مار۔
پولیسَن وون زِ حملہ آورَو کوٚر سی سی ٹی وی کیمرہ، بجلی لائٹ، گاڑِ تہٕ کیمپر وین ہٮ۪تھ باقٕے سامانَس نۄقصان تہٕ ژٔلِکھ واریٛاہ مقدارَس منٛز تعمیٖرٲتی سامان ہٮ۪تھ۔
پولیسَن کٔر فوری کاروٲیی تہٕ باری برہمنا پُلیٖس تھانس منٛز کوٚرُکھ ڈکیتی ہُنٛد مقدمہٕ درٕج۔