لال قِلعہٕ دھماکہٕ کیس: اہم مُلزِم جاسر بلال وانی 7 دۄہَن ہٕنٛزِ این آئی اے ریمانڈِ منٛز۔
10 نومبر دۄہ لال قِلعَس نزدیٖک دھماکہٕ کِس تحقیقاتَس منٛز آیہِ نمایاں پیش رفت ۔ دِلہِ ہٕنٛدۍ أکۍ خصوٗصی عدالتَن سوٗز برٛسوارِ دۄہ اَہم مُلزِم جاسر بلال وانی سَتَن دۄہَن خٲطرٕ این آیی اے حِراستَس منٛز۔ وانی یُس جنوبی کشمیر، اننت ناگ ضِلعہٕ کِس قاضی گُنڈس ستی تعلُق تھاوان چھُ کوٚر این آئی اے یَن 17 نومبر سرینگر پٮ۪ٹھٕ گِرِفتار ۔ ایجنسی ہُنٛد دعوا چھُ زِ وانین کٔر ملی ٹنٹ کارروائیَن باپتھ ڈرونَن منٛز تکنیکی ترمیم تہٕ حملَن منٛز استعمال کرنہٕ باپتھ راکٹ بناونٕچ کوٗشش تہِ۔ ایجنسی مُطٲبِق چھِ وانیَس خٕلاف ثبوٗت اِشارٕ دِوان زِ تٔمۍ کٔر 10 نومبر لال قِلعہٕ دھماکَس منٛز مدتہٕ خٲطرٕ أکِس ملی ٹنٹ نیٹ ورکَس تکنیکی مدد فراہم تہٕ یِم سرگرمیہٕ آسہٕ بٔڑٮ۪ن حملن ہٕنٛز منصوبہٕ بندی ہُنٛد حصہٕ۔ مٔزیٖد تفتیش چھےٚ جٲری، تہٕ این آیی اے ٹیم کَرِ وانیَس باقی مُمکِنہٕ سٲتھین، ڈرون سپلائی نیٹ ورک، تہٕ تکنیکی ماڈیولَن مُتعلِق سوال۔