منوج سنہا، عمر عبداللہ سنز نَوِس ؤریَس پٮ۪ٹھ لوٗکَن مبارکباد .

جموں و کشمیرٕکۍ لیفٹیننٹ گورنر منوج سنہا تہٕ وزیر اعلیٰ عمر عبداللہ ہَن کٔر لوٗکَن نَوِ ؤرۍ یِچ مبارک باد۔ تِمَو کٔر دُعا زِ 2026 ؤری واتہِ لوٗکَن خٲطرٕ خوشی، خۄشحٲلی، امن تہٕ استحکام۔ ‘ایکس’ پٮ۪ٹھ أکِس پوسٹَس منٛز ووٚن منوج سنہاہَن: ‘نَوِ ؤرۍ یَس پٮ۪ٹھ سارنٕے مُبارکَت تہٕ بہٕ چھُس تِمَن نیک خواہشات پیش کران۔ تٔمۍ کٔر دُعا زِ 2026 ؤری اَنہِ پرٛٮ۪تھ کٲنٛسہِ خٲطرٕ خوشی تہٕ خۄشحٲلی۔ وزیر اعلیٰ عمر عبداللہَن کٔر نوِ ؤرۍ یِچ مبارکباد دِوان دُعا زِ یہِ ؤری واتہِ لوٗکَن خٲطرٕ امن، خۄشحٲلی تہٕ اصل صحت۔ تٔمۍ کوٚر وۄمید زِ نوٚو ؤری چھُ نٔو وۄمید، اتحاد تہٕ ترقی اَنان۔ عمر عبداللہ ہَن کٔر لوٗکَن خاص کٔرِتھ نوجوانَن خۄشحال تہٕ پُر امن جموں و کشمیرَس منٛز حصہٕ نِنٕچ اپیل.