وادی ہٕنٛز گۄڈٕنِچ تہٕ معتبر خبر رساں ایجنسی کے پی ایس، ہیٚکہِ نہٕ اسمبلی ہٕنٛدِس مجوزہ اجلاسَس مُتعلِق رپورٹ کٔرِتھ۔

سری نگر//22 اکتوبر/کے پی ایس/کشمیرٕچ معتبر خبر رساں ایجنسی کشمیر پریس سروس (کے پی ایس)، یۄس وادی ہٕنٛز گۄڈٕنِچ ترٛیٚیِم نمبر مقٲمی خبر رساں ایجنسی آسنُک اعزاز تہِ چھُ، چھُ یمہِ لٹہِ قانون ساز اسمبلی ہٕنٛدِس مجوزہ اجلاسَس مُتلِق رپورٹنگ کرنہٕ نِش رُکاونہٕ آمُت۔ محکمہٕ اطلاعات تہٕ عوٲمی تعلقات، جموں و کشمیر، یُس میڈیا ارکانَن اسمبلی اجلاسَن کور کرنُک اجازت نامہٕ (پاس وغیرہ) فراہم کرنُک ذمہٕ دار چھُ، چھُ نامعلوم وجہو کِنۍ کشمیر پریس سروس (کے پی ایس) نظر انداز کوٚرمُت۔ یہِ چھُ گۄڈنِچہِ لَٹہِ زِ أکِس معتبر خبر رساں ایجنسی، یٔمۍ واریاہَو ؤرۍ یَو پٮ۪ٹھ میڈیا شعبَس منٛز اہم کارکردٕگی ہُنٛد مُظٲہرٕ چھُ کوٚرمُت، آو اسمبلی اجلاسَس منٛز رپورٹنگ کرنہٕ نِش پابندی لگاونہٕ۔ تَمِہ کِنۍ چھُ کے پی ایسُک انتظامیہ سارنٕے پرن والٮ۪ن آگاہ کران زِ کے پی ایس کہِ ذٔریعہٕ اسمبلی اجلاسٕچ بروقت تہٕ بھروسہٕ مند رپورٹنگ گژھِ نہٕ یمہِ لٹہِ مُمکِن، تہٕ ایجنسی چھِ پننین پرن والٮ۪ن تہٕ سبسکرائبرَن نِش معٲفی منگان۔ یہ کتھ چھیہ قابل ذکر زِ کشمیر پریس سروس (کے پی ایس) چھےٚ 1984پٮ۪ٹھہٕ خبرٕ تہٕ رپورٹ سرکیولیٹ کران۔