جے کے ای ڈی ای شوپیانَن کوٚر ریمپ انیشیٹو تحت جی ڈی سی شوپیانَس منٛز 20 دۄہَن ہُنٛد ای ایس ڈی پی بیچ مُکمل۔

جموں و کشمیر انٹرپرینیورشپ ڈیولپمنٹ انسٹی ٹیوٹ (جے کے ای ڈی آئی) شوپیانَن کوٚر آز جی ڈی سی شوپیانَس منٛز ریمپ پہل تحت پنٕنۍ 20 دۄہَن ہُنٛد انٹرپرینیورشپ سُکل ڈیولپمنٹ پروگرام (ای ایس ڈی پی) ہُنٛد دٔیِم بیچ ختم۔
اختتامی اجلاسٕچ صدارت کٔر پرنسپل جی ڈی سی شوپیان، پروفیسر طارق حسین میرَن ۔
شرکاء خٕطاب کٔرِتھ پرنسپلَن دِیُت جے کے ای ڈی آئی یَس اثر دار پروگرامن ہُنٛد انعقاد کرنہٕ خٲطرٕ تعریف تہٕ نوجوانَن منٛز کارٕبٲری تہٕ خود روزگاری فروغ دِنہٕ خٲطرٕ پایدار پہل قدمن ہٕنٛز ضرورتس پٮ۪ٹھ زور۔
اَمہِ موقعَس پیٹھ کوٚر جے کے ای ڈی آئی ڈِسٹرکٹ نوڈل آفیسرَن پروگرامُک اکھ جامع جٲیزٕ پیش۔ تٔمۍ کٔر امکۍ بنیٲدی جُزَن پٮ۪ٹھ روشنی یِمَن منٛز منظم کلاس روم سیشن، فیلڈ ایکسپوژر، گروپ سرگرمیہٕ، کاروبٲری نقل، تہٕ کامیاب کارٕبٲرین سۭتۍ کتھ باتھ شٲمِل چھِ، ییٚمیُک مقصد عملی مہارتن بڑاوُن تہٕ کاربٲری ذہنیتس فروغ دیُن چھُ۔