"تمِ یم پزی پٲٹھی جۆم تہٕ کٔشیٖرِ ہٕنٛدِ فکرمند چھِ، تِم یِین ۲۰ جُلایی جنتر منترس پؠٹھ أسہِ ستی”: وزیراعلیٰ سُنٛد مشیر ناصر اسلم وانی***

وزیراعلیٰ سُنٛد مشیر تہٕ نیشنل کانفرنسک سیئر لیڈر ناصر اسلم وانی ہَن برٛہسوارِ دۆپ زِ پارٹی گژھِ ۲۰ جُلایَس نٔو دِلِ مَنٛز جنتر منترس پؠٹھ پننس تجمویز کٔرِتھ پروگرامس سۭتھ برٛوٹھ، خاہ اِجازت مِلِ یا نہٕ۔تٔمؠ وۆن زِ تِم یم پوزِ پئٹھ جۆم تہٕ کٔشیٖرِ ہٕنٛدِ فکرمند چھِ تہٕ اَتہِ کین لوکن سۭتھ کھڑے چھِ، تِم یِن ضۆروٗر اَتھ پروگرامس مَنٛز شٲمِل گژھنہِ۔پارٹی ہیڈکوارٹر ‘نواے صبح’ مَنٛز نیشنل کانفرنسک سیئر لیڈر ڈاکٹر شیخ مصطفیٰ کمال سٕنٛدِ وفاتس پؠٹھ کٔرِتھ تَعزِیَت مِیٹِنٛگہِ ہنٛدین کُنارَن پؠٹھ صحافین سۭتھ کَتھ باتھ کران وۆن وانی ہَن زِ پارٹی لیڈرشِپ تہٕ کارکُن گژھن پروگرامہٕ برٛونٹھ ہی نٔو دِلِ وِتھ۔خبر رساں ایجنسی ‘کشمیر نیوز آبزرور’ (KNO) مطٲبِق دۆپ تٔمؠ، "سُنٛد پروگرام گژھِ برٛوٹھ خاہ اِجازت مِلِ یا نہٕ۔ تفصیلی شیڈول یِیِ وقتس پؠٹھ سارنی ہش پرٛگٹ کرنہٕ۔”ییلہٕ تٔمِس سۭتھ خبرن ہُنٛد ذِکر کَرنہٕ آو زِ کَنٛگريس لیڈر راہُل گانٛدھی تہٕ پرِیَنکا گانٛدھی سۭتہِ سۭتہِ باقِیَن سیاسی پارٹین ہنٛدین لیڈرن دعوت نامہٕ سوزنہٕ آمِت چھِ، وانی ہَن وۆن زِ یہِ گژھِ ۲۰ جُلایَس صَاف زِ کِم کِم چھِ اَتھ پروگرامس مَنٛز شَرِیٖک گژھان۔تٔمؠ وۆن، "تِم یم پوزِ پئٹھ جۆم تہٕ کٔشیٖرِ ہٕنٛدِ خٲرخواہ چھِ، اَتہِ کین لوکن ہُنٛد دَرد چھِ ہٹھان تہٕ تمن سۭتھ کھڑے چھِ، تِم یِن ضۆروٗر جنتر منترس پؠٹھ أسہِ سۭتھ رَلنہِ۔”وانی ہَن دۆپ زِ جۆم تہٕ کٔشیٖرِ ہُنٛد آئینی درجہٕ تہٕ تِم حقوٗق یِم ساروٕے کھنہٕ آمِت چھِ، واپس اَنُن چھُ نیشنل کانفرنس ہُنٛد گۆڈنُک تہٕ اَصلی مقصد۔تٔمؠ وۆن زِ رِیاسَت ہُنٛد درجہٕ (اسٹیٹ ہڈ) واپس اَنُن چھُ اَتھ مقصدَس تام وِتنہِ خٲطرٕ ضۆروٗرِی، تہٕ لوکن چھُ اکھ ژٔنِمٕژ سرکار خٲطرٕ ووٹ دِیۆمُت، نہ کہِ دۆیو اِختیارن ہنٛد مرکس (dual power centre) خٲطرٕ۔ڈاکٹر کمالَس یاد کران، وانی ہَن دۆپ زِ تِم اۆس اکھ مِسکیٖن لیڈر، سِیَاسی مٲہِر تہٕ مَذہبی عٔلِم دار۔ تٔمؠ وۆن زِ ڈاکٹر کمالَس اۆس جۆم تہٕ کٔشیٖرِ ہٕنٛز سِیَاسی توٲریٖخس پؠٹھ کٲمِل عٔلِم تہٕ تِم اۆس ؤریَن پؠٹھ اَہم سیاسی سرگرمین سۭتھ جۆڑِتھ۔تٔمؠ سُنٛد مرن اکھ بڑ نۄقصان قرار دِتھ وۆن وانی ہَن زِ ڈاکٹر کمال اۆس پارٹی لیڈرن تہٕ کارکُنن سۭتھ نَزدیٖکی تعلقات تھاوان تہٕ تِم اۆس ہندِ سیاسی سوچ تہٕ مذہبی علمَس ذرِیعہِ ہَمیشہٕ تَمن رَہنُمٲیی کران۔تٔمؠ وۆن، "امِہ سۭتھ یۆس جاے خالی سپنِ، تٔمِیک بَرُن آسِہ أسہِ خٲطرٕ واریاہ مُشکل۔