پلوامہ پولیسَن کٔر لٔکٕر ژوٗرِ ہُنٛد مقدمہٕ حل۔ زٕ مُلزِم گِرِفتار، ژوٗرِ نِنہٕ آمٕتۍ جائیداد برآمد.

ضِلعس منٛز ژوٗرِ تہٕ باقٕے مُجرِمانہٕ سرگرمیَن رُکاونہٕ خٲطرٕ پنٕنہِ کوٗششہِ جٲری تھٲوِتھ کٔر پُلوامہ پولیسَن پُلیٖس تھانہٕ کِس لٹرَس منٛز رپورٹ کرنہٕ آمُت ژوٗرِ ہُنٛد معاملہٕ حل کٔرِتھ تہٕ جُرمَس منٛز شٲمِل زٕ مُلزِم نفر گِرِفتار کٔرِتھ نُمایاں کامیٲبی حٲصِل۔پُلیٖس تھانہٕ کِس لِٹرَس مِلے ووڈ وینچر طرفہٕ پوپلر لوٚگ ژوٗرِ نِش شِکایت۔ شِکایتَس پٮ۪ٹھ فوری کاروٲیی کٔرِتھ آیہِ دفعہٕ 303 (2) بی این ایسَس تحت ایف آئی آر نمبر 41/2026 درٕج کرنہٕ تہٕ تفتیش آیہِ شُروٗع کرنہٕ۔تٔحقیٖقاتَس دوران کٔر پُلسن دۄن مُلزِم نفرَن ہٕنٛز شناخت تہٕ گِرِفتار، یِم امتیاز احمد گورسی ولد محمد لطیف گورسی سٕنٛدِ سٕنٛدِ ناگبال یوسمرگ بڈگام، تہٕ اشفاق احمد گورسی ولد محمد عبداللہ گورسی سٕنٛدِ سٕنٛدِ ناگبال یوسمرگ بڈگام۔ یِہنٛدِ انکشافٕ کِس بُنیادَس پٮ۪ٹھ آیہِ ساسہٕ بٔدۍ رۄپیہِ مٕلٕکۍ ژوٗرِ نِنہٕ آمٕتۍ پوپلر لاگ برآمد کٔرِتھ ضبط کرنہٕ۔