پلوامہ پولیسچ طے شُدٕ منشیاتٕچ غٲر قونوٗنی فروختس خٕلاف سخٕت کاروٲیی، پولی کلینک سیلڈ*

غٲر قونوٗنی منشیاتٕچ فروخت تہٕ غلط استعمالَس خٕلاف پنٕنۍ مُہِم جٲری تھٲوِتھ کٔر پلوامہ پولیسَن از ضِلعہٕ کِس ڈینجر پورہ علاقَس منٛز أکِس خلاف ورزی کَرن وٲلِس خٕلاف سخٕت کاروٲیی ۔چیکنگ دوران لٔج أکہِ پُلسہٕ ٹیٖمَن زِ بھٹس کمپلیکس، ڈینجر پورہ، پلوامہ ہَس منٛز واقعہٕ النور پولی کلینِک چھُ معموٗلَن ہٕنٛز خٕلاف ورزی کٔرِتھ غٲر قونوٗنی طور طے شُدٕ دواہ، خاص پٲٹھۍ پریگابالِن کٕنان۔ مٲلِک جی ایچ محی الدین میر @ عمران ولد ثناء اللہ میر آو غٲر قونوٗنی سرگرمی منٛز ملوث لبنہٕ۔ جلدٕی کٲم کٔرِتھ آو ڈرگ انسپکٹرَس ضروٗری کاروٲیی باپتھ موقعہٕ پٮ۪ٹھ بُلاونہٕ۔معٲینہٕ کرنہٕ پتہٕ تہٕ ایس او پی ہٕنٛز واضح خلاف ورزی مدنظر آو کلینِک موقعہٕ پٮ۪ٹھے سیل کرنہٕ تہٕ قونوٗنہٕ مُطٲبِق آو امیُک لاسنہٕ معطل کرنہٕ۔پلوامہ پولیس چھُ غٲر قونوٗنی منشیاتٕک نیٹ ورکَن خِلاف سختی سان نٲفِظ کرنہٕ باپتھ پرعزم تہٕ عوامس زور دِوان زِ تِم کٔرِن یِژھہِ کُنہِ تہِ سرگرمی نزدیٖکی حُکامن اطلاع دِنہٕ۔