*ایل جی سنہاہن دِتی کھلٲڑی نشہ مُکت بھارت مہمہ ہندی برانڈ ایمبیزڈر قرار *

لیفٹیننٹ گورنر منوج سنہاہَن کوٚر ژٔنٛدٕروارِ دۄہ نوجوان کھلٲڑین نشا مُکت بھارت ابھیانُک برانڈ ایمبیزڈر پٲٹھۍ کٲم کرنُک مُطالبہٕ، تہٕ تِمَن زور دِیُت زِ تِم کٔرِن کھیلَن تہٕ سوشل میڈیاہُک استعمال کٔرِتھ منشیاتٕک غلط استعمالَس خلاف بیدٲری پھٔہلاونہٕ خٲطرٕ۔خبر رساں ایجنسی کشمیر نیوز آبزرور (کے این او) مُطٲبِق اوس ایل جی یونیورسٹی آف کشمیر سپورٹس گراؤنڈَس منٛز مردَن تہٕ زنانَن خٲطرٕ آل انڈیا انٹر یونیورسٹی وُشو چیمپئن شپ کِس افتتاحَس پیٹھ تقریر کران، یَتھ منٛز پوٗرٕ مُلکہٕ کٮ۪ن 150 کھۄتہٕ زیٛادٕ یونیورسٹیَن ہٕنٛدِ 1000 کھۄتہٕ زیٛادٕ کھلٲڑۍ حصہٕ نِوان چھِ۔جموں و کشمیرَس منٛز جٲری 23 دۄہَن ہِنٛز منشیاتَس خٕلاف مُہِم ہُنٛد حوالہٕ دِوان وون سنہاہَن زِ نوجوانَن ہٕنٛز شرکتَت چھِ تحریٖک مضبوٗط بناونہٕ خٲطرٕ اَہَم کُن۔ تٔمۍ دِیُت کھلٲڑٮ۪ن زور زِ تِم کٔرِن مختصر آگٲہی ویٖڈیو بناوَن تہٕ تِم دِیِن ڈیجیٹل پلیٹ فارمَن پٮ۪ٹھ شیئر کرنہٕ تاکہ باقیَن متٲثِ”بہٕ چھُس پرٛٮ۪تھ طٲلبہِ عٔلِم ایتھلیٹَس درخواست کران زِ سُہ بناوِ 20 پیٹھٕ 60 سیکنڈَن ہُنٛد اکھ مختصر ویڈیو تہٕ سُہ کَرِ سوشل میڈیاہَس پٮ۪ٹھ شیئر۔