**اننت ناگ پولیسَن کۆر بِجبیہار مَنشّیات فروشی ہُنٛد کاربار کَرَن وول اکھ نَفر گِرفتار؛ چرس برآمد*

مَنشّیات فروشی خَلاف پَننہِ مُستقِل مُہِم جاری تھَوِتھ، اننت ناگ پولیسَن کۆر بِجبیہارا پولیس اِسٹیشنہِ کِس دائرہ اِختیارَس مَنٛز یِوَن وٲلِس نوٗبُغ علاقَس مَنٛز عام ناکہ چیکِنٛگ دۆران مَنشّیات فروشی ہُنٛد کاربار کَرَن وول اکھ نَفر گِرفتار۔گِرفتار کَرسامِت سُنٛد ناو چھُ فیاض احمد گانی، مۆل غُلام مُحیُ الدّین گانی، سُکنَت کَدلَبل، پامپور، یۆس حالس کاندِپورہ گُری، بِجبیہارا منٛز روزان چھُ۔چیکِنٛگ دۆران کَرِ پولیسَن تٔمِس نِش ۷۴ گِرام چرس ہیو مَواد برآمد۔ یہِ نَشہ آو قانونی طریقہ کارَس مُطٲبِق موقَس پؠٹھ اِیَبط کَرنہٕ، تہِ مُلزم آو حراستس مَنٛز نؠنہٕ۔اَتھ سِلسِلس مَنٛز چھُ بِجبیہارا پولیس اِسٹیشنہِ مَنٛز NDPS ایکٹُک کِس دفعہ 8/20 تحت FIR نَمبر 185/2026 دَرج کَرنہٕ آمُت، تہِ اَتھ مَنشّیاتی مَوادُک اَصَل ذٔریعہٕ تہِ مَنزل ملوٗم کَرنہٕ خٲطرِ چھِ تحقیقات شُروع کَرنہٕ آمٔژ۔اننت ناگ پولیس چھِ مَنشّیات ہِنٛدِ بؠمارِ ہُنٛد خاتمہ کَرنہٕ خٲطرِ پَننہِ مَضبوٗط عزمُک اِعادہ کَران تہِ لوٗکَن ہِنٛدِ طَرفہٕ پَننِس علاقَس مَنٛز مَنشّیات کین سَرگرمین مُتعَلِق مولوٗمات شیئر کٔرِتھ پولیسَس تَعاوان جاری تھَونُک اَپیل کَران۔