گگنگیر-سونامرگ واقعہٕ: علاقَس منٛز چھِ بٔڑِس پیمانَس پٮ۪ٹھ تلاشی آپریشن جٲری۔

وسطی کشمیر کِس گاندربل ضلعہٕ کِس گگنگیر-سونامرگ علاقَس منٛز چھِ آتھٕوارِ دۄہ شامَس مشتبہ دہشت گردَو غٲر مقٲمی مزدورَن پٮ۪ٹھ حملہٕ کرنہٕ پتہٕ بٔڑِس پیمانَس پٮ۪ٹھ تلاشی آپریشن جٲری۔
آتھٕوارِ دۄہ شامَس گاگنگیر-سونامرگ علاقَس منٛز زیدمورا ٹنلَس منٛز کٲم کرَن وٲلۍ مُلٲزِمن تہٕ غٲر مقٲمی موٚزوٗرَن پٮ۪ٹھ اندھا دھند گولہِ چلاونہٕ سۭتۍ گٔیہِ أکِس ڈاکٹرَس سۭتۍ سَتھ نفر ہلاک تہٕ باقی پانٛژھ زخمی ۔
واقعہٕ پتہٕ جلدٕیہ کوٚر حِفاظتی فوجن نزدیٖکی علاقن گیرٕ بٔنٛدی تہٕ حملہٕ آورن ہُنٛد پتہ لگاونہٕ خٲطرٕ کٔرٕن بٔڑِس پیمانَس پٮ۪ٹھ تلاشی مہم شروع۔ ذٔرایعن ووٚن زِ حملہٕ آورن ہُنٛد پتہ لگاونہٕ خٲطرٕ ٲس ژٔنٛدٕروارِ دۄہ علاقَس منٛز بٔڑِس پیمانَس پٮ۪ٹھ تلاشی آپریشن جٲری۔ تٔمۍ ووٚن زِ علاقہٕ چھُ پوٗرٕ پٲٹھۍ گیرٕ بنٛد کرنہٕ آمُت تہٕ گیرٕ بٔنٛدی مٔزیٖد سخت کرنہٕ خٲطرٕ چھِ فوجٕچ مزید کمک بُلاونہٕ آمٕژ۔
اِگ کٔشیٖر وِدھی کُمار بَردی ووت راتھ رٲژ سونامرگ ییٚلہِ یہِ واقعہٕ پیش آو۔