ہندو-پاک تناؤ: جھیل ڈلَس منٛز ایس ڈی آر ایفٕچ فرضی مشق، ہنگٲمی حالاتن سۭتۍ نمٹنہٕ خٲطرٕ تیٲری ہُنٛد جٲیزٕ۔

ریاستی ڈیزاسٹر رسپانس فورس (ایس ڈی آر ایف) کٔر بۄموارِ دۄہ جھیل دل کِس دلکش مگر حساس کیچمنٹ علاقس منٛز اکھ مورک ڈرل ییٚمیُک مقصد مُمکنہٕ قدرتی آفات یا حملن ہٕنٛدِس صورتس منٛز فوری تہٕ منظم ردعملٕچ صلٲحیت جانچنہٕ تہٕ بہتر بناوُن چھُ۔ ذٔرایعو مُطٲبِق ٲس یہِ مشق وزارت داخلہ کِس ہِدایتَس پٮ۪ٹھ 7 مئی پوٗرٕ مُلکَس منٛز منعقد گژھَن واجیٚنۍ سول ڈیفنس مشقُک حصہٕ۔ جھیٖلَس منٛز مُختٔلِف ٹیمو کٔر ڈوبنہٕ، ناوِ ہُنٛد حٲدثہٕ تہٕ مُمکنہٕ ملی ٹنسی ہٕنٛدِ واقعہٕ ہٕنٛز فرضی صورتہِ حال، تاکہِ بچاو کرن والٮ۪ن ہٕنٛزِ تیٲری ہُنٛد جٲیزٕ ہیکو کٔرِتھ۔ مشقَس دوران کٔر ایس ڈی آر ایفٕکۍ غوطہ خورَو تہٕ مٲہِرین أکِس جعلی حٲدثہٕ کِس تناظرس منٛز جیٖلَس منٛزباگ بچاؤ کٲم، یَتھ منٛز زخمیَن بچاوُن، گۄڈٕنیُک علاج فراہم کرُن تہٕ تِم محفوظ جاین پٮ۪ٹھ منتقل کرُن شٲمِل اوس۔
ایس ڈی آر ایف کِس أکِس بٔڑِس اَفسرَن ووٚن: "سٲنۍ چھِ کوٗشِش زِ قۄدرٔتی آفات یا کُنہِ تہِ ہنگٲمی صورتہِ حالَس منٛز کٔرٕن بروقت کاروٲیی۔