کُۅلگٲمَس منٛز نشاور ادوِیاتن ہُنٛد تٲجر گِرِفتار، چرٕس ہیوٗ مادٕ آو برآمد: پولیس

سری نگر، 16 اکتوبر (یو این آئی) – منشیاتَس خٕلاف جنگ جٲری تھٲوِتھ کوٚر پُلسن جنوٗبی کشمیر کِس کُلگام ضِلعَس منٛز اکھ ڈرگ فروشَن گِرِفتار تہٕ أمِس نِش کوٚرُکھ چرٕس ہیوٗ ممنوعہ مادٕ برآمد ۔ پُلسہٕ کہِ ترجمانَن ووٚن أکِس بیانَس منٛز زِ قیموہ پُلسہٕ تھانہٕ کہِ أکہِ ٹیٖمَن کٔر شَکاوَر نفرَن تہٕ گاڑٮ۪ن ہٕنٛز جانچ کرنہٕ خٲطرٕ خادونی بائی پاسَس پٮ۪ٹھ اکھ چوکی قٲیِم۔ تٔمۍ ووٚن زِ اَتھ وقتَس دوران آو اکھ شخٕص بیگ ہٮ۪تھ تہٕ شَکاوَر سلوٗک کَرن وول شخٕص رٔٹنہٕ۔ تٔمۍ ووٚن زِ تلٲشی دوران اوسُکھ أمِس شخصَس نِش 30 گرام چرٕس تہٕ 500 گرام چرٕس ہیوٗ ممنوعہ مادٕ برآمد کوٚرمُت، ییٚمہِ پتہٕ سُہ موقعہٕ پٮ۪ٹھے گِرِفتار کرنہٕ آو۔ گِرِفتار شخٕص سٕنٛز شناخت چھِ طالبہِ حسین شیخ سٕنٛدِ ناوٕ سٕتہِ کرنہٕ آمٕژ، یُس کے-رینا وانے پورہ ہُک روزَن وول خورشید حسین شیخ سُنٛد نیچو چھُ۔ پُلسہٕ ترجمانَن ووٚن زِ این ڈی پی ایس ایکٹ کٮ۪ن مُتعلقہٕ دفعاتن تحت چھِ قیموہ پُلسہٕ تھانس منٛز ایف آئی آر نمبر 79/2025 تحت ایف آئی آر درٕج کرنہٕ آمٕژ، تہٕ مٔزیٖد تفتیش چھِ شُروٗع کرنہٕ آمٕژ۔ تٔمۍ ووٚن ووٚن زِ یِتھۍ نشاور ادوِیات فروش چھِ معاشرَس منٛز نشاور دَوا پھٲلاوان تہٕ عام لوٗکَن خٲطرٕ خطرٕ بنان۔