لداخ کین لوُكن ہنز واریاہ کالہٕ پیٹھہٕ پیارٕنہٕ واجنہِ مُطالبہٕ گٔیہِ پوٗرٕ آدھار کارڈَس منٛز چھُ وۄنۍ جموں و کشمیر بدلہٕ ‘لداخ’ ظٲہِر گژھان واریاہ کالہٕ پیٹھہٕ زیر التوا مسلُک کامیاب حل چھُ انتظامیہ ہٕنز ذمہٕ دار گورننس/ لیفٹیننٹ گورنر

واریاہ کالہٕ پٮ۪ٹھٕ زیر التوا عوٲمی مُطالبہٕ پوٗرٕ کرنہٕ خٲطرٕ أکِس اَہَم قدمَس منٛز ہیکَن لداخٕکۍ روزَن وٲلۍ وۄنۍ آدھار ریکارڈَن منٛز پنٕنۍ صحیح شناخت ظٲہِر کٔرِتھ تِکیازِ ‘لداخ’ چھُ لوٗکَن ہٕنٛدِس آدھار کارڈَن پٮ۪ٹھ جموں و کشمیرُک اندراجٕچ جاے بدلٲومٕژ۔ سی این آی مُطٲبِق چھُ مركزی زیر انتظام علاقہٕ لداخ کٮ۪ن لوٗکَن ہُنٛد واریاہ کالہٕ پٮ۪ٹھٕ پیارَن وول مُطالبہٕ پوٗرٕ گوٚمُت تِکیازِ آدھار چھُ وۄنۍ جموں و کشمیرٕ بدلہٕ ‘لداخ’ ہُنٛد عکاس کران۔ یہِ چھُ قٲبلِ ذِکِر زِ 2019 ہَس منٛز مرکزی زیر انتظام علاقہٕ لداخ بننہٕ پتہٕ تہِ، جموں و کشمیر نِش الگ گژھنہٕ پتہٕ تہِ چھُ لداخ کٮ۪ن لوٗکَن ہُنٛد آدھار رِکارڈ سٲبِقہٕ ریاستی ناو، جموں و کشمیرُک عکاس کران، ییٚمہِ سۭتۍ بٔڑِس پیمانَس پٮ۪ٹھ تشویش تہٕ پریشٲنی پٲدٕ گٔیہِ۔ لیفٹیننٹ گورنرَن تُل اتھ واریاہ کالہٕ پٮ۪ٹھٕ زیر التوا مسلُک سنجیدگی سان نوٹ تہٕ دِیُتُن مرکز زیر انتظام انتظامیہَس یہِ جلد از جلد حل کرنُک ہدایت ۔ اَمہِ پتہٕ کوٚر اِنتِظامیہَن یہِ معاملہٕ حل۔