ڈیجیٹائزڈ جمابندی ریکارڈز چھِ اننت ناگس منٛز آن لایِن گَژھان۔ عوامس آو اندراجات تصدیق کرنہٕ خٲطرٕ وننہٕ

اننت ناگٕکۍ ڈپٹی کمشنرن دِژ اطلاع زِ عام لوٗکَن ہٕنٛدِ خٲطرٕ شفافیت تہٕ رسٲیی منٛز آسٲنی یقینی بناونہٕ خٲطرٕ چھِ ڈیجیٹائزڈ جمابندی ریکارڈ آن لائن دٔستِیاب کرنہٕ یِوان۔نوٹس مُطٲبِق چھُ خبر رساں ایجنسی کشمیر نیوز کارنر — کے این سی یَس رِپوٹ کوٚرمُت، ریونیو ڈیپارٹمنٹَن چھُ اکھ آن لائن پورٹل شروع کوٚرمُت ییٚتہِ تمام گامَن ہٕنٛدِ ڈیجیٹائزڈ جمابندیَن مُتعلقہٕ فیلڈ کارکُن اپلوڈ چھِ کران۔ لوٗکَن چھُ یہِ مشورٕ دِنہٕ آمُت زِ تِم کٔرِن پورٹلَس پٮ۪ٹھ گژھُن تہٕ تِمن ہِنٛزِ زمینہِ مُتلِق تَفصیٖلات ہِنٛز تصدیق کَنوٹسَس منٛز ووٚن زِ کُنہِ تہِ تضاد یا شِکایتٕچ صورتَس منٛز ہیکَن عوام آن لائن پورٹل کہِ ذٔریعہٕ یا مُتعلقہٕ ریونیو آفسَس منٛز مُنٲسِب رسید ہیتھ اعتراضات دٲخل کٔرِتھ۔ أمۍ چھُ یہِ تہِ واضح کوٚرمُت زِ پٹوار حقاسَس منٛز دستی جمابندیُک ریکارڈ روزِ موجودٕ طٔریٖقہٕ کار مُطٲبِق معٲینہٕ خٲطرٕ دٔستِیاب۔