سپریم کورٹَن کوٚر سی بی آئی معاملَس منٛز کجریوال سٕنٛدٮ۪ن درخاسن سماعت ،فٲصلہٕ محفوظ۔
جسٹس سوریہ کانت تہٕ جسٹس اجول بھویان سٕنٛدِ بیٚنچ کوٚر برٛسوارِ دۄہ دِلہِ ایکسایز پالیسی گھوٹالہٕ سۭتۍ وابستہٕ سینٹرل بیورو آف انویسٹی گیشن (سی بی آئی) معاملَس منٛز وزیر اعلیٰ اروند کجریوال سٕنٛزِ عرضی پٮ۪ٹھ سماعت پوٗرٕ کرنہٕ پتہٕ پنُن فٲصلہٕ محفوظ۔ أمۍ کوٚر پنُن فٲصلہٕ ایڈیشنل سالیسٹر جنرل ایس وی راجو سٕنٛدۍ دلیلہٕ بوزنہٕ پتہٕ محفوظ۔ بیٚنچَس برٛونٛہہ کَنہِ شُنوٲیی دوران کٔر راجوَن وزیر اعلیٰ کجریوالَس ضمانت دِنہٕ کٮ۪ن دلیلن ہٕنٛز سخٕت مُخٲلِفت تہٕ ووٚنُن زِ خصوٗصی عدالتَس ہٮ۪کو صرف غٲر معموٗلی حالاتَن منٛز نظر انداز کرنُک اِجازت دِتھ۔ اَتھ پٮ۪ٹھ کجریوال سٕنٛز نمائندگی کرن وٲلۍ سینئر وکیل مسٹر سنگھوی یَن ووٚن زِ سی آر پی سی کِس دفعہ 41 اے تحت ملزمَن نوٹس جٲری کرنٕچ موٗجوٗدٕ عرضی منٛز پیش کرنہٕ آمٕژ بنیادَن پٮ۪ٹھ آیہِ حراستَس دوران بَحَژ کرنہٕ