راجوری: 14 ؤری وٲنٛسہِ منٛز لاپتہ گژھن وول لڑکہٕ آو 26 ؤہرۍگَرٕ واپس.

جٔمہِ کِس سرحدی ضِلعہٕ راجوری کِس تھانا منڈی سب ڈویژنَس منٛز پنچایت بھوروتُک اکھ نوجوان اوس 14 ؤری وٲنٛسہِ منٛز ممبئی گوٚمُت تہٕ سُہ ہیوٚک نہٕ 26 ؤرۍ یَن تام واپس یِتھ۔ أمۍ سٕنٛدۍ مٲلۍ ماجہِ اوس مقٲمی پولیس تھانس منٛز رپورٹ درٕج  کوٚرمُت تہٕ أمِس ژھانڈنہٕ خٲطرٕ  آسہٕ وارِیاہ کوٗشِشہِ ناکام گٔمٕژ۔ کیٚنٛہہ دۄہ برٛونٛہہ اوس أکۍ یوٹیوبرَن أمِس نفرَس مُتلِق اکھ ویڈیو اپ لوڈ کوٚرمُت، یَتھ منٛز یہِ وننہٕ اوس آمُت زِ نوجوانَن اوس پنُن ناو ‘راجہ’ دِیُتمُت تہٕ ووٚنمُت زِ سُہ  چُھ تھانہ منڈی تحصیل پٮ۪ٹھہٕ۔ ییٚلہِ یہِ ویڈیو أمۍ سٕنٛدِس عیالَس تام ووت، تِمو کٔر فوراً أمِس  سٍتۍ رٲبطہٕ۔ امہِ پتہٕ آو سُہ واپس گَرٕ ۔