بڈگامَس منٛز منشیات فروش گِرِفتار ، ہیروئن ہیوٗ ممنوعہ مادٕ برآمد: پولیس

منشیاتَس خٕلاف جنگ کِس أکِس بٔڑِس تسلسلَس منٛز چھُ پولیسَن وسطی کشمیر کِس بڈگام ضلعَس منٛز اکھ نشہ آور دوا فروش گرفتار کوٚرمُت تہٕ أمۍ سٕنٛدِ حراستَس منٛز چھُ ممنوعہ چیز برآمد کوٚرمُت۔
پُلیٖس ترجُمانَن ووٚن زِ پُلیٖس تھانہٕ بڈگامٕکہِ أکہِ جمٲژ رُکٲو بڈگام ریلوے سٹیشنَس نزدیٖک کری پورہ کراسنگَس پٮ۪ٹھ أکِس ناکَس دوران اکھ مشتبہ شخص، ییٚمۍ پُلیٖس وُچھِتھ موقعہٕ پٮ۪ٹھ ژلنٕچ کوٗشش کٔر۔
تٔمۍ ووٚن زِ تلاشی دوران آو أمۍ سٕنٛدِ قبضہٕ پٮ۪ٹھ 9.9 گرام ہیروئن ہیوٗ مواد برآمد کرنہٕ، ییٚمہِ پتہٕ سُہ موقعہٕ پٮ۪ٹھ گِرِفتار کرنہٕ آو۔