گاندربلَس منٛز گاڑِ ہٮ۪تھ غٲر قونوٗنی لٔکٕر ضبط، شکاوَر گِرِفتار: پُلیٖس

غٲر قونوٗنی لٔکٕر سَمگلِنگ خٕلاف منظم کارروٲیِیَن منٛز چھُ گاندربل پولیسَن غٲر قونوٗنی لٔکٕر تہٕ اَمہِ خٲطرٕ استعمال گژھَن واجنہِ گاڑِ ضبط کٔرمٕژ، تہٕ شَکاوَر چھُ گِرِفتار کرنہٕ آمُت۔

پُلسہٕ کہِ ترجمانَن ووٚن زِ گندر بل پُلسہٕ تھانہٕ کہِ أکہِ ٹیٖمَن رُکٲوۍ معموٗل چہِ چیکنگ دوران ووسان علاقَس نزدیٖک رجسٹریشن نمبر JK16B – 4440 ہیتھ اکھ شَکاوَر لوڈ کیریئر۔

تٔمۍ ووٚن زِ تلٲشی دوران ٲسٕکھ گاڑِ منٛزٕ غٲر قونوٗنی طور ژٹنہٕ آمٕژ کیل لٔکٕر 8 لاگ برآمد کٔرمٕژ۔ تاہم، ڈرائیور ژوٚل پولیس وُچِھتھ واقعہٕ جایہِ پٮ۪ٹھٕ۔

تٔمۍ ووٚن ووٚن زِ گاڑِ ہٕنٛز پوٗرٕ تلٲشی پتہٕ گوٚو یہِ ظٲہِر زِ ضبط کرنہٕ آمٕژ لٔکر ٲس کُنہِ صٔحیح اجازت یا قونوٗنی دستاویزَو ورٲے منتقل کرنہٕ یِوان، ییٚمہِ پتہٕ لٔکر تہٕ گاڑِ آیہِ قونوٗنَس تحت ضبط کرنہٕ۔

پُلسہٕ ترجمانَن ووٚن زِ اَتھ سلسلَس منٛز آو گندر بل پُلسہٕ تھانس منٛز ایف آئی آر نمبر 4/2026 تحت تعزیرات ہند (آے پی سی) کِس مُتعلقہٕ دفعاتن تحت مقدمہ درٕج کرنہٕ، تہٕ مٔزیٖد تفتیش آیہِ شُروٗع کرنہٕ