شری اَمرناتھ جی شرین بورڈَن چھِ نقل و حرکت، رہائش، بجلی، آب، صفائی، مواصلات تہٕ زائرین ہٕنٛز صحت سمیت تمام ضروٗری سٔہوٗلِیاتن ہٕنٛز تیٲری کٔرمٕژ: ایل جی سنہا

لیفٹیننٹ گورنر شری منوج سنہاہَن کوٚر از اعلان زِ شری امرناتھ جی یاترا گَژھِ ییٚمہِ ؤرۍ یہِ 3 جولائی 2026 شُروٗع تہٕ 28 اگست 2026 ہس پیٹھ سپدِ رکشا بندھن 28 اگست 2026 تام ختٕم، یُس کُل 57 دۄہَن پیٹھ محیط چھُ۔ تٔمۍ ووٚن زِ بھگوان شِو سٕنٛز دٲر حٲصِل کرنہٕ خٲطرٕ یِیہِ پرتھم پوٗزا 29 جوٗن 2026 جیش تھا پُرنِما دۄہ کرنہٕ۔لوک بھون، جوٚمَس منٛز أکِس پریس کانفرنسَس خٕطاب کٔرِتھ لیفٹیننٹ گورنرَن وون زِ یاترا خٲطرٕ پیشگی رجسٹریشن گَژھِ 15 اپریل 2026 دۄہ آف لائن تہٕ آن لائن دۄشوٕنی طریقو سۭتۍ شُروٗع۔لیفٹیننٹ گورنرَن ووٚن زِ "رجسٹریشن ہٕنٛز سہولیت آسہِ پوٗرٕ مُلکس منٛز جموں و کشمیر بینک، پنجاب نیشنل بینک، سٹیٹ بینک آف انڈیا، تہٕ یس بینک کٮ۪ن 554 شاخن منٛز دٔستِیاب”۔لیفٹیننٹ گورنرَن ووٚن زِ پرٮ۪تھ رجسٹرڈ زائرین یِیہِ ریڈیو فریکوئنسی آئیڈنٹیفکیشن ڈیوائس (آر ایف آئی ڈی) جٲری کرنہٕ۔