*پلوامہ پولیسَن کٔر منشیات فروش گِرِفتار۔ ممنوعہ چیز آو برآمد کرنہٕ، گاڑِ آیہ ضبط کرنہٕ*

غٲر قونوٗنی سرگرمیَن رُکاونہٕ چہِ مسلسل کوٗشِشہِ منٛز کٔر پلوامہ پولیسَن ناکا چیک کرنَس دوران نُمایاں کامیٲبی حٲصِل۔ پُلسہٕ تھانہٕ ککپورہٕکہِ أکہِ پُلسہٕ ٹیٖمَن رُکٲوۍ پُلیٖس تھانس نزدیٖک معموٗل ناکا تلٲشی کَران، رُکٲوۍ اکھ شَکاوَر گاڑِ یَتھ پٮ۪ٹھ رجسٹریشن نَمبَر۔ JK05C-6047 (ویگن آر)۔ تلٲشی پتہٕ آو گاڑِ ہِنٛدِ ٹرنکہِ منٛزٕ تقریباً 2.150 کِلوگرام ممنوعہ چیز (بینگ بوسا) برآمد کرنہٕ۔ یہِ گاڑِ ٲس جہانگیر احمد تاکو ولد اب حامد تاکو R/o لون محلہ ککپورہ چلاوان، یُس حِراستَس منٛز نِنہٕ آمُت چھُ۔ جُرمَس منٛز شٲمِل گاڑِ تہِ آیہِ ضبط کرنہٕ۔اَمہِ مُطٲبِق چھُ پُلیٖس تھانہٕ ککپورہَس منٛز قونوٗن کِس مُتعلقہٕ دفعاتن تحت ایف آئی آر نمبر 30/2026 درٕج کرنہٕ آمُت تہٕ تفتیش چھُ شُروٗع کرنہٕ آمُت۔پلوامہ پولیس چھُ منشیاتُک خطرٕ ختم کرنہٕ خٲطرٕ پنُن عزم دہراوان تہٕ عام لوٗکَن تعاون کرنُک زور دِوان۔