*سرینگر کِس بسنت باغس منز جہلم پیٹھٕ لاش بازیافت کرنہٕ*

حُکامَن ووٚن زِ آتھٕوارِ دۄہ شامَس آیہِ سری نگرَس منٛز گوکدل کِس بسنت باغ علاقَس نزدیٖک أکِس شخٕص سٕنٛز لاش جہلم دٔریاو پٮ۪ٹھٕ برآمد کٔرمٕژ۔أکۍ اہلکارَن ووٚن خبر رساں ایجنسی کشمیر نیوز آبزرور (کے این او) زِ سٹیٹ ڈیزاسٹر رسپانس فورس (ایس ڈی آر ایف) ہٕکۍ أکۍ ٹیٖمَن کٔر جلدٕی کاروٲیی تہٕ کٔڑٕکھ لاش دٔریاوٕ منٛزٕ کٔڑِتھ۔تٔمۍ ووٚن زِ دٔریاوَس منٛز أکِس شخٕص سٕنٛدِ لاشہِ ہٕنٛز معلوٗمات مِلنہٕ پتہٕ دٔستی آیہِ ایس ڈی آر ایفٕچ کوئک رسپانس ٹیم دٔریاو پولیسَس سۭتۍ مِلِتھ موقعہٕ جایہِ پیٹھ تہٕ کٔرٕکھ یہِ آبہٕ منٛزٕ حٲصِل۔تٔمۍ ووٚن زِ مرن وٲلِس سٕنٛز شناخت ٲس گُلزار احمد سُنٛد نیٚچُو، یُس سرینگر کِس گوکَدلَس نزدیٖک بسنت باغُک روزَن وول اوس۔أتھۍ دوران آیہِ لاش مٔزیٖد ضروٗری رسمی کاروٲیی باپتھ مقٲمی بسکیٖنَن حوالہٕ کرنہٕ.