*یہِ چُھ وَقٕت زِ وومین ریزرویشن ایکٹ چھُ اَمہِ کِس پٔزۍ جذبَس منٛز لاگو کرنُک* *2029 لوک سبھا تہٕ اسمبلی اِنتِخابات یِن زنانَن ہٕنٛدِ کوٹہٕ سۭتۍ کرنہٕ* *تمام ارکانن گژھن وومین ریزرویشن قانونس منز ترمیم ہنز منظوری خاطرہ اکی آوازہ سیتۍ یکوٹہ گژھن/ وزیر اعظم مودی*

یہِ اعلان کٔرِتھ زِ یہِ چھُ وومیَن ریزرویشن ایکٹ اَمہِ کِس پٔزۍ جذبَس منٛز نافذ کرنُک وقٕت، ؤزیٖر اعظم نریندر مودیَن ووٚن زِ 2029 ہٕکۍ لوک سبھا اِنتِخابات تہٕ اسمبلی اِنتِخابات گَژھن زنانَن ہِنٛدِ کوٹہٕ سۭتۍ کرنہٕ یِنۍ۔ سی این آے مُطٲبِق ووٚن ؤزیٖر اعظم نریندر مودی یَن زِ یہِ چھُ وومیَن ریزرویشن ایکٹ اَمہِ کِس پٔزۍ جذبَس منٛز نافذ کرنُک وقت تہٕ یہِ زِ 2029 ہٕکۍ لوک سبھا اِنتِخابات تہٕ اسمبلی اِنتِخابات گَژھن زنانَن ہِنٛدِ کوٹہٕ سۭتۍ کرنہٕ یِنۍ۔ پارلِمٮ۪نٛٹ کِس ترٛٮ۪ن دۄہَن ہِنٛدِ خصوٗصی اجلاسَس برٛونٛہہ لوک سبھا تہٕ راجیہ سبھا کٮ۪ن فلور لیڈرَن لیٚکھنہٕ آمتِس خطَس منٛز دِیُت ؤزیٖر اعظم مودیَن تمام رُکنَن زَنانَن ہٕنٛدِس ریزرویشن قونوٗنَس منٛز ترامیم منظوٗری دِنہٕ خٲطرٕ اَکہٕ وٹہٕ یِنُک مُطالبہٕ، یَتھ سرکٲرِ طور ناری شکتی وندَن ادھینیم ونان چھِ۔