*چیف منسٹر عمر عبداللہن دیت حضرت امام حسینؑ تہ کربلا کین شہداؤن خراجِ عقیدت

چیف منسٹر عمر عبداللہن دیت سداہ حضرت امام حسینؑ تہ کربلا کیو باکیو شہداؤن خراجِ عقیدت، تہ کورکھ پوز، انصاف تہ حقہِ خٲطرہ یوان سرفروشی ہُنٛد لازوال قربانی یاد۔عاشور ہندِس اَتھ غمناک موقعس پیٹھ دیت چیف منسٹرن پننس پیغامس منز یہ زِ کربلا ہُنٛد واقعہ چھُ بہادری، استقلال تہ ظلمس خِلاف آواز تھدن کرنُک اکھ ابدی نشان۔ تمن وون زِ حضرت امام حسینؑن، پننہ وفادار اہل بیت تہ ساتھیو سیت، کٔر پننہ قربانی ہنزہ ذریہ ایمانداری، انصاف، ہمدردی تہ انسانی وقارکِ اعلیٰ اصول قٲیم۔چیف منسٹرن وون، "کربلا ہُنٛد پیغام چھُ وقت تہ سرحدوں خوتہ بروٹھ۔ یہ چھُ انسانس ظلمس خِلاف لڈن، اخلاقی اقدار بَچاون تہ پوزِ راستس پیٹھ مَضبوطی سٲت روزنُک سبق دِوان، چاہے کِتھٕی تِہ مَشکلات آسن۔”عمر عبداللہن اَتھ کتھِ پیٹھ زور دیت زِ امام حسینؑ سٕنز تعلیمیات تہ قربانی چھِ دنیاہس منز اکھ اُمید تہ ہدایت ہُنٛد مینار، یۄس سماجس ایثار، دیانتداری تہ انصاف خٲطرہ مَضبوط روزنک یاد دہانی کَراوان چھِ۔چیف منسٹرن کور لوکن ہِند کُن اَپیل زِ تِم اپناوَن کربلا کیو شہداؤن ہِندِ یہ ابدی اصول تہ کَرن سماجس منز امن، بھائی چارہ تہ مِل جل کین قدرن عام کرن خٲطرہ ساروٕی سیت کٲم۔اَتھ موقعس پیٹھ، عمر عبداللہن کور جموں و کشمیر منز امن، برادری ہندِ میل جول تہ خوشحالی خٲطرہ دُعا، تہ شہدائے کربلا ہندِ روحن خٲطرہ تِہ منگی عاجزی سٲت مغفرت۔