کۅلگام پولیسَن کٔر اے ٹی ایم فراڈ کیسَس منٛز 950,000 رۄپیہِ ضبط۔2 شک آوَر نفر تہٕ 2 زنانہٕ گِرِفتار
کُلگام پُلسَن کٔر اے ٹی ایم فراڈ کیسَس منٛز کاروٲیی کران 950,000 رۄپیہِ پوٗرٕ رقم یُس مُتٲثِر زنانہِ ہٕنٛدِ بینک کھاتہٕ منٛزٕ دھوکہ دہی سان کٔڑنہٕ اوس آمُت۔ پولیسَن کٔر زٕ زَنانَن مبینہ طور جُرمَس منٛز حٲصِل کرنہٕ آمٕتۍ رقم وصول کرنَس پٮ۪ٹھ گِرِفتار، ییٚلہِ زِ واقعَس منٛز شٲمِل زٕ اَہَم شکاوَر چھِ وُنہِ تہِ فرار، تہٕ یِمَن رٹنٕچ کوٗشِش چھِ جٲری۔
پُلسہٕ مُطٲبِق آیہِ پُلیٖس تھانہٕ قاضی گنٛڈَس منٛز ایف آئی آر نمبر 254/2026 تحت تعزیرات ہندوستٲنۍ دفعہٕ 303(2) تہٕ 318(4) تحت درٕج کرنہٕ۔
یہِ معاملہٕ آو 15 اکتوبر 2026 تَمہِ وِزِ برونہہ کُن ییٚلہِ گُلزار احمد شان سٕنٛز خانٛدارِنہِ تہٕ کُلگام کِس پتی آکھرن علاقٕچ روزَن واجیٚنہِ مُنیرا ریشی شِکایت درٕج کرنہٕ خٲطرٕ میر بازار پُلسہٕ چوکہِ پٮ۪ٹھ رٲبطہٕ کٔر یہِ زِ 5 اکتوبر دۄہ میر بازرَس منٛز واقعہٕ أکِس اے ٹی ایمَس پٮ۪ٹھ چھُ أکۍ نامعلوم شخصَن مبینہ طور دھوکہٕ دِنہٕ آمُت۔