پلوٲمِس منٛز پرٛون تہٕ نُوو دۄشوٕے بس سٹینڈ خستہٕ حالتس منٛز- ترقی کَتہِ چھےٚ؟

پلوامہ ہَس منٛز ترقی تہٕ بازرٕچ توسیع ہٕنٛدِ دعوا چھِ وۄنۍ سوالیہ نشان بَنیمٕتۍ تِکیازِ ضِلعہٕ ہیڈ کوارٹرَن پٮ۪ٹھ چھِ پرٛٲنۍ تہٕ نٔوۍ بس سٹینڈ خراب حالتس منٛز۔ سڑکَن پٮ۪ٹھ سرٛوٚن گڑھ، ناقص انتظام تہٕ بُنیٲدی سٔہوٗلِیاتَن ہٕنٛز کٔمی چھِ مُسافِرَن، ٹرانسپورٹرَن تہٕ عام لوٗکَن باپتھ شٔدیٖد مُشکِلات پٲدٕ کران۔ کیٚنٛہہ ؤری برٛونٛہہ آو پرٛون پلوامہ بس سٹینڈ مرکٔزی بازرٕ پٮ۪ٹھٕ ڈرسو کِس أکِس نٔوِس مقامس پٮ۪ٹھ منتقٕل کرنہٕ۔ امہِ اقدامُک مقصد اوس شہرَس منٛز ٹریفک جام کم کرُن، بازر بڑاوُن، تہٕ لوٗکَن باپتھ نٔوۍ روزگار تہٕ کاربٲری موقعہٕ پٲدٕ کرُن۔ وونہِ گو٘ مُقٲمی لوٗکَن تہٕ ٹرانسپورٹرَن ہٕنٛدِ مُطٲبِق چھُ مُنٲسِب دیکھ بھال تہٕ توجہ نہ آسنہٕ کِنہِ نوٚو بس سٹینڈ تہِ خراب گوٚمُت۔ حالاتَس پٮ۪ٹھ تشویش ہُنٛد اظہار کران ووٚن سمٲجی کارکُن فیاض احمد وانی یَن میڈیاہَس زِ پلوامہ ہٕکۍ لوٗکَو دِیُت ترقی خٲطرٕ ووٹ، مگر زٔمیٖنَس پٮ۪ٹھ چھِنہٕ کانٛہہ تہِ قٲبلِ توجہ تبدیٖلی۔