جموں و کشمیر: نَوین مُشکِلَن درمیان پُلیٖس محکمَس منٛز بجہِ تبدیلیہِ ۔ اَمرناتھ یاترا مۄکلَن  پتہٕ رٹہِ کٔشیٖرِ پُلسہٕ محکَمس منٛز سُجیت کُمار وی کے بردی سٕنٛز جاے ۔

جموں و کشمیر پولیسَس منٛز آیہِ بۄدوارِ دۄہ بٔڑِس پیمانَس پٮ۪ٹھ منتقلی ہُنٛد حُکُمُک اعلان کرنہٕ۔ سُجیت کُمار چُھ کٔشیٖرِ ہُنٛد نوٚو اِنسپکٹر جنرل (آے جی) مُقرر کرنہٕ آمُت، تہٕ تیجِنٛدر سِنٛگھ چُھ جموں علاقُک آیی جی مُقرر کرنہٕ آمُت۔ یِمَن تبدیلیَن ہِنٛدِس مرکزَس منٛز چھُ سُجیت کُمار، یُس گۄڈٕ جموں و کشمیر پولیسَس منٛز آیی جی (سیکیورٹی) سٕنٛدِ حثیتہٕ کٲم اوس کٔرمٕژ۔ سُہ رَٹہِ وی کے بیدی سٕنٛدِ جایہِ عہدٕ، یُس زٕ رٮ۪تہٕ برٛونٛہہ مرکٔزی وفدٕ خٲطرٕ واپس بُلاونہٕ اوس آمُت تہٕ سُہ اوس اَمرناتھ یاترا ہُنٛد آسانی سان انعقاد یقینی بناونہٕ خٲطرٕ برقرار تھاونہٕ آمُت۔ اَمرناتھ یاترا چھےٚ وۄنۍ ختٕم گٔمٕژ۔ 2007 بیچُک اِنٛڈین پُلیٖس سٔروِس (آے پی ایس) اَفسَر، کُمارن چھےٚ پنٛنہِ پوٗرٕ پیشورانہٕ زِندگی منٛز جموں و کشمیر پولیس، نیم فوجی دستہٕ تہٕ باقٕے محکَمن منٛز اَہَم ذِمہٕ وٲری رٹمٕژ۔ أمۍ چھِ جھارکھنڈ کٮ۪ن نکسل سۭتۍ مُتٲثِر علاقَن منٛز تہِ کٲم کٔرمٕژ تہٕ سپیشَل پروٹیکشن گروپس (ایس پی جی) سۭتۍ کٲم کٔرمٕژ۔