ایل جی منوج سنہاہَن دِیُت قومی کھیلَن ہِنٛدِس دۄہَس پٮ۪ٹھ کھلاڑٮ۪ن مبارکباد۔
لیفٹیننٹ گَورنَر منوج سنہاہَن سوٗز بَٹہٕ وارِ دۄہ قومی کھیلَن ہِنٛدِس دۄہس پٮ۪ٹھ تمام کھلٲڑٮ۪ن تہٕ کھیلَن ہٕنٛدٮ۪ن شایقین پنٕنۍ نیک خواہش، یُس ہاکی لیجنڈ میجر دھیان چند سٕنٛدِس زایہِ دۄہس پٮ۪ٹھ مناونہٕ چھُ یِوان۔
جی این ایس مُطٲبِق ووٚن ہاکی عظیمَس دِلہٕ دِلہٕ خراج تحسین پیش کٔرِتھ زِ میجر دھیان چند اوس اکھ پٔزۍ ترغیب یٔمۍ مُلکَس منٛز سٮ۪ٹھاہ فخر حٲصِل کوٚر۔
"سارنٕے کھلٲڑین تہٕ کھیلَن ہٕنٛدٮ۪ن شوقیٖنَن چھُ قومی کھیلَن ہُنٛد دۄہ مُبارک۔ ہاکی لیجنڈ میجر دھیان چندس تٔمۍ سٕنٛدِس زاہ دۄہس پٮ۪ٹھ خراج تحسین پیش کران۔ پرٮ۪تھ لحاظہٕ اکھ الہام ، تٔمۍ کٔر قومس فخر۔ تٔمۍ سٕنٛز شاندار کھیلہِ ہٕنٛز مہارت تہٕ کامیٲبی چھِ نسلن متاثر کران ،” ایل جی یَن لیوٚکھ ایکس پٮ۪ٹھ أکِس پوسٹَس منٛز۔
تٔمۍ ووٚن یہِ تہِ زِ حکوٗمت چھِ جموں و کشمیرَس منٛز کھیلَن ہٕنٛدِس ثقافتَس فروغ دِنہٕ تہٕ نوجوان ٹیلنٹ سٕنٛز مدد کرنہٕ باپتھ پرعزم ۔