یہِ مُطالبہٕ چھُ جٲیز، مگر ییٚلہِ یہِ معاملہٕ زیر غور آسہِ، ایم بی بی ایس انٹرنَن ہُنٛد احتجاج چھُ نامُنٲسِب: سکینہ ایتو۔ 

جموں و کشمیرَس منٛز مُختٔلِف میڈیکل کالجَن تہٕ ہسپتالَن منٛز ایم بی بی ایس انٹرنَو کوٚر ژٔنٛدٕروارِ دۄہ پنُن رٮ۪تہٕ وار وظیفہٕ بڑاونٕک مُطالبَس پٮ۪ٹھ مُشترکہٕ احتِجاج شُروٗع۔ انٹرن چھِ وظیفہٕ 12,300 پٮ۪ٹھٕ 30,000 فی ریتہٕ بڑاونُک مطالبہ کران۔  جموں و کشمیرٕچ وزیرِ صحت، سکیٖنہ ایتوَن ووٚن زِ حکوٗمتَن چھُ ایم بی بی ایس انٹرنَن ہُنٛد ماہانہٕ وظیفہٕ 12,000 پٮ۪ٹھٕ 30,000 تام بڑاونٕچ مُطالبہٕ نوٹس نِمٕژ، تہٕ یہِ معاملہٕ چھُ وُنکینَس محکمہٕ خزانہَس سۭتۍ زیر غور ۔ صحافیَن سۭتۍ کَتھ باتھ کٔرِتھ ووٚن وزیرِ صحتَن زِ انٹرنَن ہٕنٛدِ نُمایندَن چھِ أمِس سۭتۍ سمکھٮ۪مٕتۍ، ییٚمہِ پتہٕ فایلہِ پٮ۪ٹھ کاروٲیی کرنہٕ تہٕ آیہِ محکمہٕ خزانہٕ جٲیزٕ تہٕ مٔزیٖد غور کرنہٕ باپتھ سوزنہٕ۔