دِلہِ منٛز مُسلِم زنانہٕ صحافین پیٹھ حملَس پیٹھ محبوبہ سُنٛد طنز،امریکہَس منٛز مُسلمانَن مُتعلِق بھاگوت سُنٛد دعویٰ چھُ کھوکھلہٕ۔

پی ڈی پی صدر محبوبہ مفتی یَن ووٚن بَٹہٕ وارِ دۄہ زِ رازدٲنہِ کِس أکِس پُلیٖس تھانس منٛز دۄن مُسلمان زنانہٕ صحافیَن پٮ۪ٹھ مُبینہٕ حملہٕ سۭتۍ چھُ امریکہَس منٛز آر ایس ایس سربراہ موہن بھاگوت سٕنٛدِ دٔسۍ دِنہٕ آمٕتہِ دعویٰ ہُک کھوکھلہٕ پن  ظٲہِر گوٚمُت، یَتھ منٛز تٔمۍ ووٚن زِ ‘مسلمان چھِ ہندوستانُک اکھ الگ حصہٕ’۔ 

‘ایکس’ (گۄڈٕ ٹویٹر) پٮ۪ٹھ أکِس پوسٹَس منٛز ووٚن محبوبہ مفتی زِ "دِلہِ ہِنٛدِس پُلیٖس تھانس منٛز دۄن مُسلمان زَنانَن صحافیَن پٮ۪ٹھ مُبینہٕ حملہٕ پتہٕ گوٚو امریکہَس منٛز آر اٮ۪س اٮ۪س سربراہ موہن بھاگوت سُنٛد یہِ دعویٰ زِ مُسلمان چھِ ہندوستانُک اَکھ اَلَگ حِصہٕ – بیٚیہِ اکہِ لٹہِ کھوکھلہٕ ثٲبِت”۔ 

جموں و کشمیرٕکۍ سٲبقہٕ وزیر اعلیٰ ہن ووٚن زِ یہِ مسلہٕ چھُنہٕ وۄنۍ صرف مُسلمانن انتہاپسند عُنصرن ہِنٛدِ دٔسۍ نشانہٕ بناونس مُتعلِق۔ 

پی ڈی پی صدرَن ووٚن زِ "یہِ چھُنہٕ وۄنۍ صرف گاو ذبح کِس الزامَس منٛز انتہا پسند ہجوٗمَن ہٕنٛدِ دٔسۍ مُسلمانَن مارنہٕ یِنُک مسلہٕ”۔