ترال پولیسَن کوٚر ژوٗرِ ہُنٛد معاملہٕ حل، 2 شک آور گرفتار، ژوٗرِ نِنہٕ آمُت سۄن برآمد۔
ترال پُلسہٕ تھانن چُھ تقریباً 12 لچھن رۄپین ہُنٛد ژوٗرِ معاملہٕ حل کوٚرمُت۔ اتھ معاملس منٛز چھِ 2 نَفر گرفتار کرنہٕ آمٕتۍ تہ تقریباً 4 لچھن رۅپین ہُنٛد سۄن چُھ برآمد کرنہٕ آمُت۔
پُلسہٕ مُطٲبِق آیہِ 28 جوٗن 2026 مرحوٗم جی احمد سٕنٛدِس نیچوۍمظفر احمد موہندٕ سٕنٛدِ طرفہٕ گَرٕ منٛزٕ سۄن ژوٗرِ نِنٕچ شِکایت درٕج کرنہٕ، یُس شیرآباد بُلی، ترالَس منٛز روزان چھُ۔
شِکایَت پتہٕ آیہِ بھارتیہ نیا سنہیتا (بی این ایس) کِس دفعہٕ 305 تہٕ 331(4) تحت ایف آئی آر نمبر 80/2026 ترال پولیس تھانس منٛز درٕج کرنہٕ، تہٕ مقدمٕچ تفتیش آیہِ شُروٗع کرنہٕ۔
تحقیٖقاتَس دوران کٔر پولیسَن احتیاط سان تمام ثبوٗتَن ہٕنٛز جانچ یِمَن منٛز تکنیکی سراغ تہِ شٲمِل چھِ۔ ایس ایچ او پُلیٖس تھانہٕ ترال، انسپکٹر تجمل اِسلام سٕنٛدِس قیادتس منٛز ٹیمہِ چٮ۪ن مُسلسل کوٗشِشن ہٕنٛدِس نٔتیٖجس منٛز آے 2مُلزِم رٔٹنہٕ تہٕ سۅن تہِ آو برآمد کرنہٕ۔