کشمیر: ایجنڈاہس منزچھےٚ واریاہن پرائیویٹ ممبرن ہٕنٛزٕبِلہٕ یِمَن منز شرابس پیٹھ پابٔنٛدی تہٕ کٲشِرۍ پنڈتَن ہٕنز واپسی شٲمِل چھےٚ۔
جموں و کشمیر قونوٗن ساز اسمبلی ہٕنٛز کاروٲیی گٔیہِ اَکہِ دۄہہٕ کہِ وقفہٕ پتہٕ از بیٚیہِ شُروٗع، یَتھ دوران اُستادَن ‘ٹیچر ایلیجیبلٹی ٹیسٹ’ (ٹی ای ٹی) نِش مستثنیٰ کرنٕچ قراردادَس پٮ۪ٹھ بحث کرنہٕ آیہِ۔ اَتھ سٍتۍ کَرِ اسمبلی ہٕنٛدٮ۪و 35 رُکُنو پرائیویٹ ممبَرن ہٕنٛزٕ بِلہٕ (انفرٲدی بِل) پیش، یِمَن منٛز شراب کٕننَس پٮ۪ٹھ پابٔنٛدی ، مركزی زیر انتظام علاقہٕ کٮ۪ن مُستقل بسکیٖنَن (ڈومیسائل ہولڈرَن) ہٕنٛدِ خٲطرٕ زمین تہٕ نوکری ہٕنٛدٮ۪ن حقوقُکن تحفظ تہٕ وادی منٛز کٲشِرۍ پنڈتَن ہٕنٛز واپسی تہٕ بَحٲلی ہِش اہم مُطالبات شٲمِل چھِ۔
جموں و کشمیرُک وزیر اعلیٰ عمر عبداللہ، یُس ہاؤسنگ تہٕ شہری ترقی ہُنٛد قلمدان تہِ تھاوان چھُ، کرِ جموں و کشمیر میونسپل ایکٹ، 2000 منٛز ترمیم کرنہٕ خٲطرٕ اکھ بل پیش۔
اسمبلی ہٕنٛز کاروٲیی سپٕز’سوالیہ آور’ سۭتۍ شروع، اَمہِ پتہٕ آیہِ ژورن قونوٗن سازن ہٕنٛدِ طرفہٕ ‘توجہ دِنہٕ نوٹس’ تہٕ پتہٕ وزیرِ تعلیم سکینہ ایتو سٕنٛدِ طرفہٕ پیش کرنہٕ آمٕژ ٹی ای ٹی رِعایت ہٕنٛدِس قراردادس پیٹھ مزید بَحَث کرنہٕ۔