لفٹینٹ گورنرسُنٛدشری ماتا ویشنودیوی شراین بورڈ چہِ أکِس میٹِنگہِ دوران انٹرنیشنل میوزیم آف گاڈیس کِس پیش رفتس سام۔

لفٹینٹ گورنر منوج سنہاہن ہیٚژ جۅمہِ لوک بھونس منٛز منعقد شری ماتا ویشنودیوی شراین بورڈ چہِ أکِس میٹنگہِ دوران کٹراہس منٛز مجوزٕ انٹرنیشنل میوزیم آف گاڈیس کِس پیش رفتس سام۔میٹنگہِ منٛز آو میوزیم چہِ ابتدٲیی تصوراتی ڈیزاین ، منصوبہٕ چہِ لاگٔژ ، عمل درآمد تہٕ تٲمیرٲتی شیڈولس پٮ۪ٹھ تبودلہ خیال کرنہٕ۔بورڈن دِژ قریبن 38 ہن رٮ۪تن منٛز منصوبہٕ مکمل کرنہٕ کِس مجوزٕ شیڈولس اصولی منظوری تہِ۔ ایل جی ین دیُت منصوبہٕ چہِ نگرٲنۍ تہٕ اثر دار رٲبطہٕ کٲری خٲطرٕ اکھ مخصوص پروجیکٹ ٹیم تشکیل دِنُک تہِ ہدایت۔میوزیم خٲطرٕ چھِ مختلف مندر تہٕ شکتی پیٹھن منٛز تحقیق ، دستاویز بندی تہٕ ثقافتی مطالعہ جٲری۔ اتھ موقعس پٮ۪ٹھ کٔر ایل جی ین ڈاک محکمہٕ طرفہٕ شری ماتا ویشنودیوی جی شراین کِس اعزازَس منٛز جٲری خصوصی کَورGlobal Symbol Of Faith تہِ جٲری۔