بیوروکریٹَن ہٕنٛزن نَیہِ گاڑپالیسی منٛز ژیر ، جموں و کشمیر اسمبلی سپیکرَن کٔر وزیرِ ٹرانسپورٹَس ملامت ۔
جموں و کشمیر اسمبلی ہٕنٛدِ سپیکر عبدالرحیم رٲتھرن کٔر از وزیرِ ٹرانسپورٹ، ستیش شرماَس بیوروکریٹَن باپتھ گاڑِ ہٕنٛز نٔو پالیسی بناونَس منٛز ژیر گژھنَس پٮ۪ٹھ سخٕت ملامت تہٕ دِیُتُن تٔمِس موجودٕ اجلاسَس دوران امِچ نفاذَس مُتعلِق زانکٲری دِنٕچ ہدایت ۔اسمبلی اجلاسَس دوران پرژھ حزب اِختلاف بی جے پی ایم ایل اے رنبیر سنگھ پٹھانیاہَن تمام محکمَن، عوٲمی شعبٕہ ادارَن، بورڈَس تہٕ خۄد مۄختار اِدارَن منٛز ‘اکھ افسر، اکھ گٲڑۍ’ حد نٲفِظ کرنَس مُتعلِق اکھ تحریری سوال۔ وۅنۍ گو٘ وزیرٹرانسپورٹ ہیوٚک نہٕ افسرَن گاڑِ مختص کرنَس مُتعلِق بی جے پی ایم ایل اے سٕنٛدِس سوالُک تسلی بخش جواب دِتھ۔
وزیرِ ٹرانسپورٹَن دِیُت جواب زِ حکوٗمت کَرِ افسرَن دِنہٕ آمٕژ گاڑٮ۪ن ہُنٛد آزادانہٕ آڈِٹ جٲرِی۔ ایم ایل اے پٹھانِیاہَن ووٚن زِ واریاہَن افسرَن چھِ اَکہِ کھۄتہٕ زِیٛادٕ سرکٲرِ گاڑِ الاٹ کرنہٕ آمٕژ۔