کتابن پیٹھ پابندی عائد کرٕنۍ چُھنہٕ حکومت کِس اتھس منٛز۔ اگر حالات بدلن تیٚلہِ ہیٚمو أسۍ امِچ سام:وزیراعلیٰ عمرعبداللہ

جموں و کشمیر کِس مرکزی زیر انتظام علاقہٕ کِس رٮ۪تہٕ کالہِ رازدٲنی سرینگرَس منٛزووٚن راتھ پرٛژار ؤسٖیلن سۭتۍ کتھ باتھ کٔرِتھ وزیر اعلیٰ عمر عبداللہ ہَن زِ کتابن پیٹھ پابٔنٛدی ہُنٛد معاملہٕ چھُ جموٗرِیَتَس منٛز پابندین ہِنٛدِس کردارَس مُتعلِق اکھ وسیع سوال تُلان۔

تِمو ووٚن، ‘امہِ سۭتۍ چھُ کتابن پیٹھ پابندی عائد کرنَس مُتعلِق اکھ وسیع سوال پٲدٕ گژھان۔ سوال چُھ یہ تہِ وۅتھان زِ جمہوریتس منز چھیہ کتابن پیٹھ پابندی لاگٕنۍ کوتاہ منٲسب چُھ۔

تاہم، وزیر اعلیٰ عمر عبداللہ ہَن مون زِ موجودٕ نظامَس تحت چھُنہٕ منتخب حکومتَس یِتھٮ۪ن معاملَن پٮ۪ٹھ فٲصلہٕ نِنُک اختیار۔