10 دۄہَن اندر اننت ناگَس منٛز 20 گِرِفتار، بٔڑِس مِقدارَس منٛز منشیات برآمد کرنہٕ۔

منشیاتٕچ غیر قانونی تجارت تہٕ منشیاتٕک استعمالَس خٕلاف کریک ڈاوُن مٔزیٖد تیز کرنٕچ کوششہِ منٛز کٔرۍ اننت ناگ پولیسَن 14 تہٕ 23 ستمبرَس درمیان مُختٔلِف کارروائیَن دوران 20 مُبینہٕ منشیات فروش گِرِفتار، ییٚلہِ زن تِمَن نِش ہیروئِن، چرس تہٕ باقٕے نشہٕ آور چیز برآمد کرنہٕ آے پُلسہٕ مُطٲبِق آیہِ اتھ عرصَس دوران پوٗرٕ ضِلعَس منٛز واریاہَن کارروائیَن دوران 20 منشیات فروش گرفتار کرنہٕ۔ 23 ستمبر کٔر پُلسن دۄن الگ الگ کارروائیَن منٛز ژور مُبینہٕ ڈرٛگ باپٲرۍ گِرِفتار۔ سرینگرَس منٛز گِرِفتار کرنہٕ آمتٮ۪ن دۄن نفرَن نِش آو 2 گرام ہیروئِن برآمد کرنہٕ، ییٚلہِ زَن جی بی خلیل ناین سنگمَس منٛز گرفتار کرنہٕ آمتٮ۪ن دۄن نفرَن نِش آو تقریباً 147 گرام چرس برآمد کرنہٕ۔ 22 ستمبر کوٚر پُلسن متین چوک پٮ۪ٹھٕ اکھ ڈرگ ڈیلر گِرِفتارییٚمِس نِش چرس برآمد کرنہٕ آو، ییٚلہِ زَن 21 ستمبر آو اکھ شخٕص آشاجی پورہَس منٛز گِرِفتارآو کرنہٕ تہٕ أمِس نِش آو 3 گرام چرس تہٕ 357 گرام گانجہ برآمد کرنہٕ۔