شوپیانَس منٛز جیلَن سۭتۍ وابستہٕ مُبینہٕ دہشت گرد فنڈنگ نیٹ ورک بے نقاب، 10 شک آوَر نفر گِرِفتار۔
جموں و کشمیر پولیسَن کوٚر شوپیاں ضِلعَس منٛز دہشت گردی ہٕنٛز کارروائیَن خٲطرٕ مبینہ طور مٲلی مدد فراہم کرن وٲلِس نیٹ ورکُک بے نقاب تہٕ 10 افراد گِرِفتار کٔرِتھ۔ پُلسہٕ مُطٲبِق چھُ یہِ نیٹ ورک مُبینہٕ طور مُختٔلِف جیلَن منٛز دہشت گردَن تہٕ تِہنٛدٮ۪ن سٲتھیَن سۭتۍ جُڑِتھ ۔
پُلسہٕ کِس أکِس بیانَس مُطٲبِق آو شَکاوَر آن لایِن مٲلی لین دین ہٕنٛدِس تحقیقاتَس دوران مُختٔلِف ادٲیگی پلیٹ فارمَو ذٔریعہٕ پٲنسہٕ منتقٕل کرنُک سراغ لگاونہٕ، یَتھ منٛز واریاہ لوٗکھ شٲمِل چھِ۔ اَتھ سلسلَس منٛز چھُ شوپیاں پولیس تھانس منٛز ایف آئی آر نمبر 231/2026 درٕج کرنہٕ آمُت تہٕ قونوٗنی کاروٲیی آیہِ شُروٗع کرنہٕ۔
گِرِفتار کرنہٕ آمٕتۍ نفرَن ہٕنٛز شناخت چھِ شوپیان پٮ۪ٹھٕ اویس شفیع نائکو، تجمل احمد شاہ، معیز اقبال تہٕ عماد یوسف گنایی ناوٕ سۭتۍ کرنہٕ آمٕژ۔