ای ڈی آو مےٚ گِرِفتار کرنہٕ خٲطرٕ گَھرٕ: امانت اللہ

عام آدمی پارٹی (اے اے پی) کِس ایم ایل اے امانت اللہ خانَن چھُ داواہ کوٚرمُت زِ ایڈ (انفورسمنٹ ڈائریکٹوریٹ) چھُ أمِس گرفتار کرنہٕ باپتھ أمۍ سٕنٛدِس گَھرس وٲتِمُت۔اوکھلا ایم ایل اے امانت اللہ خانَن چھُ یہِ دعوا سوشل میڈیا پلیٹ فارم ایکس یَس پٮ۪ٹھ کوٚرمُت۔ "ای ڈی نفر چھِ مےٚ گِرِفتار کرنہٕ خٲطرٕ وٕنۍ میٲنِس گَھرس وٲتۍمٕتۍ۔عام آدمی پارٹی ہُنٛد رہنُما سنجے سنگھ سُنٛد بیان تہِ چھُ اَتھ معاملَس منٛز برونہہ کُن آمُت۔ ایکس یَس پٮ۪ٹھ اکھ ویڈیو پوسٹ کٔرِتھ ووٚن تٔمۍ ووٚن، "وُچھِو ای ڈی یَن ہٕنٛدۍ ظُلم۔ امانت اللہ خان چھُ گۄڈَے ای ڈی کِس تحقیٖقَس منٛز شٲمِل گوٚومُت تہٕ مٔزیٖد تحقیٖقاتَس باپتھ چھُ وقت منٛگمُت۔ أمہِ سٕنٛز ماجہِ چھےٚ کیٚنسَرس منٛز مُبتلا تہٕ أمِس چُھ آپریشن کرنہٕ آمُت، توتہِ وٲژ ای ڈی ٹیٖم صُبحٲے أمہِ سٕنٛدِس گَھرس پیٚٹھ چھاپہٕ تراونہٕ خٲطرٕ أمہِ سٕنٛدِس گَھرس منٛز۔ امانت اللہ ہَس خٕلاف چھُنہٕ کانٛہہ ٹھوس ثٔبوٗت مگر مودی سٕنٛز آمریت تہٕ ای ڈی ہٕنٛز غنڈٕ گردی چھِ لگاتار جٲری۔دِلہِ ہِنٛدِس نٲیِب ؤزیٖرِ اعلیٰ منیش سسودِیاہن ووٚن، "یہِ چھےٚ وٲحِد کٲم یۄسہٕ ای ڈی خٲطرٕ بَچیمٕژ چھےٚ۔ بی جے پی یس خٕلاف دِنہٕ آمٕژ پرٛٮ۪تھ کانٛہہ آواز دبٲوِو۔