اے آر ٹی آٮٔی تہٕ ایم ایل اے یَن ہُنٛد شکار کرنہٕ خٲطرٕ چھُ ایجنسیَن ہُنٛد غلط استعمال یِوان کرنہٕ: امانت اللہ

عام آدمی پارٹی (اے اے پی) کِس ایم ایل اے امانت اللہ خانَن ووٚن آز زِ تٔمِس تہٕ تٔمۍ سٕنٛز پارٹی پھٹراونہٕ خٲطرٕ چھُ تفتیشی ایجنسیَن ہُنٛد غلط استعمال یِوان کرنہٕ، مگر "أسۍ چھِنہٕ جیلَس کھوژان”۔ایم ایل اے سٕنٛدِ دعوا باووٚجوٗد چھُنہٕ وُنکیٚنَس تفتیشی ایجنسی ای ڈی (انفورسمنٹ ڈائریکٹوریٹ) طرفہٕ کانٛہہ تہِ بیان یا معلوٗمات دِنہٕ آمٕژ۔اوکھلا کِس ایم ایل اے امانت اللہَن کوٚر فیس بُکَس پٮ۪ٹھ اکھ ویڈیو جٲری یَتھ منٛز وونُکھ زِ ای ڈی چھُ تلاشی کِس ناوس پٮ۪ٹھ تٔمِس گِرِفتار کرنہٕ آمُت۔ تٔمۍ ووٚن زِ أمۍ سٕنٛز ماجہِ چھےٚ کینسرَس منٛز مُبتلا تہٕ سۄ چھِ پنٛنِس گَرَس منٛز۔ صِرِف ژور دۄہ برٛونٛہہ کوٚر أمۍ سُنٛد آپریشن کرنہٕ۔ یہِ زانٛکٲری آیہِ تفتیٖشی ایجنسیَس تہِ دِنہٕ تہٕ تِہنٛدِس پرٛٮ۪تھ نوٹسَس آو جواب دِنہٕ۔ تلاشُک مقصد چھُ صرف اسہِ گِرِفتار کرُن۔تِمَو ووٚن زِ تِم چھِ سٲنۍ کٲم رُکاوٕنۍ یژھان۔ پٔتمٮ۪و دۄیو ؤرِیو پٮ۪ٹھٕ چھِ تِم مےٚ ہراساں کران تہٕ اپُز مُقدِمہٕ درٕج کران۔ تِم چھِ پرٛٮ۪تھ دۄہ پریشان کران۔ نہ صِرِف مےٚ بلکہِ پوٗرٕ پارٹی چھِ ہراساں کرنہٕ یِوان۔