سنبھل معاملَس پٮ۪ٹھ حکوٗمتُک رٔوِیہ افسوسناک : راہول گاندھی

لوک سبھاہَس منٛز اپوزیشن لیڈر راہول گاندھی یَن کوٚر جُمعہ دۄہ اتر پردیشَس منٛز سنبھل واقعَس منٛز جانَن ہٕنٛدِس نۄقصانَس پٮ۪ٹھ تعزیت تہٕ ووٚنُن زِ اَتھ معاملَس منٛز چھُ اتر پردیش حکومتُک رٔوِیہ "انتہٲئی افسوسناک "۔
گاندھی یَن ووٚن آز ییٚتہِ جٲری کرنہٕ آمتِس أکِس بیانَس منٛز زِ "اتر پردیش کِس سمبھلَس منٛز حالٕے تنازَس پٮ۪ٹھ ریاستی حکومتُک جانبدارانہٕ تہٕ جلدٕی ہُنٛد رٔوِیہ چھُ سٮ۪ٹھاہ افسوسناک ۔ مےٚ چھِ تِمَن لوٗکَن سۭتۍ دِلی تعزیت یِمَو تشدد تہٕ فائرنگ منٛز پنٕنۍ ٹٲٹھۍ مٲرۍ مٕتۍ۔ "تمام جمٲژن ہٕنٛز کتھ بوزنہٕ بغٲر تہٕ غٲر حساس طریقہٕ سۭتۍ انتظامیہ ہٕنٛزِ کاروٲیی سۭتۍ گٔیہٕ صورتحال خراب تہٕ واریٛاہ لوٗکھ گٔیہِ موت- ییٚمہِ خٲطرٕ بی جے پی حکومت براہِ راست ذِمہٕ دار چھِ۔ "
"ہیٚنٛدۍ مُسلِم معاشرن منٛز دراڑ تہٕ تقسیٖم پٲدٕ کرنہٕ خٲطرٕ چھُ بی جے پی ہُنٛد طاقتُک استعمال نہ رِیاست کِس مفادَس منٛز تہٕ نہ مُلکہٕ کِس مفادَس منٛز۔ بہٕ چھُس سپریم کورٹَس درخاست کران زِ سُہ کرِ دَخل دِنہٕ تہٕ اتھ معاملَس منٛز جلدٕی انصاف کرُن۔