جموں و کشمیرَس کِدس کشتواڑَس منٛز 3.1 شدتُک معموٗلی بُنیُل۔ کُنہِ تہِ جٲنی یا مٲلی نۄقصانٕچ چھںہٕ کانٛہہ اطلاع دِنہٕ آمٕژ۔
جموں و کشمیر کِس مركزی زیر انتظام علاقہٕ کِس کشتواڑ ضِلعس منٛز آو معموٗلی زلزلہٕ محسوس کرنہٕ۔ حکامَن مُطٲبِق اوس بُنیُلُک پیمائش ریکٹر پیمانَس پٮ۪ٹھ 3.1۔ زلزلہٕ سۭتۍ گوٚو شہرین منٛز افراتفری پٲدٕ، تہٕ لوٗکھ گٔیہِ خوفہٕ منٛز پنٕنۍ گَرو منٛزٕ نٮ۪بر۔
نیشنل سینٹر فار سیسمولوجی (این سی ایس) طرفہٕ جٲری کرنہٕ آمتِس اعداد و شمارَس مُطٲبِق آیہِ ژٔندٕروارِ رٲژ 11:56 بجہِ یِم زلزلہٕ محسوس کرنہٕ۔
ساینسدانن ہُنٛد ونُن چھُ زِ امہِ بُنیُلُک سرٛنٮ۪ر اوس سطحہٕ پٮ۪ٹھٕ صِرِف 5 کِلومیٖٹر بۄن، تہٕ امیُک مرکز اوس کشتواڑ کِس نزدیٖکی علاقَس منٛز۔ نیشنل سینٹر فار سیسمولوجی دِژ اطلاع زِ بُنیُلُک مرکز اوس کشتواڑ ضِلعس منٛز 33.292 ڈگری شُمٲلی عرض البلد تہٕ 75.892 ڈگری مشرقی طول البلدَس پٮ۪ٹھ واقعہٕ۔
ابتدٲیی رپورٹو مُطٲبِق چھُنہٕ خۄش قٕسمتی سان امہِ بُنِلہِ سۭتۍ مرکز زیر انتظام علاقہٕ کِس کُنہِ تہِ حصس منٛز کُنہِ تہِ جٲنی نۄقصانٕچ یا جائیدادَس نۄقصانٕچ کانٛہہ تہِ اطلاع۔