کشتواڑ مُقابلہٕ: ترٛےٚ ملی ٹنٹ ہلاک، آپریشن چھُ جٲری۔

جموں و کشمیر کِس کشتواڑ ضلعہٕ کِس چھتروٗ جنٛگلی علاقَس منٛز گٔیہِ سیکورٹی فورسَن سۭتۍ مُقابلَس منٛز ترٛےٚ ملی ٹنٹ ہلاک۔
فوجٕکہِ وائٹ نائٹ کورَن ووٚن ‘ایکس’ پٮ۪ٹھ أکِس پوسٹَس منٛز ووٚن زِ کشتواڑ کِس چھترو جنگلَس منٛز جٲری کارروٲیی دوران خراب موسمی حالاتَن باوجوٗد گٔیہِ بیٚیہِ زٕ پٲکِستٲنہِ ملی ٹنٹ مارنہٕ۔ تٔمۍ ووٚن زِ جنگی سامانُک اکھ بوٚڑ ذخیرٕ، یَتھ منٛز اکھ اے کے 47 رائفل تہٕ اکھ ایم 4 رائفل تہِ شٲمِل چھِ۔
یہِ گژھِ نوٹ کرُن زِ راتھ اوس اَتھ مُقابلَس منٛز اکھ ملی ٹنٹ مارنہٕ آمُت۔
کشتواڑ-ڈوڈا رینجٕکۍ ڈِگ شری دھر پاٹلن ووٚن جُمعہ دۄہ نامہ نِگارن زِ: "چھترو جنگلَن منٛز جٲری کارروٲیی دوران چھُ اکھ ملی ٹنٹ مارنہٕ آمُت، ییٚلہِ زَن أمۍ سٕنٛدٮ۪ن باقٕے سٲتھیَن تہِ چھِ محاصرٕ کرنہٕ آمُت۔” تٔمۍ ووٚن زِ پٔتِمٮ۪ن ترٛٮ۪ن دۄہَن پٮ۪ٹھ اَتھ کارروٲیی منٛز چھِ فوجن جنگلس منٛز موجود دہشت گردَن أنٛدۍ پٔکھۍ محاصرٕ سخت کوٚرمُت تہٕ یہِ چھُ وۄمید زِ جلدٕی یِن باقی ملی ٹنٹ تہِ مارنہٕ۔