ہندواڑہَس منٛز کالج بس حٲدثَس منٛز اکھ طالبہِ علم ہلاک، 16 زخمی۔

شُمٲلی کٔشیٖرِ ہِنٛدِس ہنٛڈواڑہ قصبہٕ کِس وادھ پورہ علاقس منٛز گٔیہِ بَٹہٕ وارِ دۄہ صُبحٲے أکِس سرکٲرِ ڈگری کالجُک طالبہِ علِم ہلاک تہٕ 15 بیٚیہِ زخمی۔
ذٔرایعن ووٚن زِ بَٹہٕ وارِ دۄہ صُبحٲے گٔیہِ ہندواڑہ کِس وادھ پورہ علاقَس منٛز گورنمنٹ ڈگری کالج ہندواڑہٕکۍ طالبہِ علِم ہیتھ اکھ گاڑِ سڑکہِ پٮ۪ٹھ پلٹنہٕ سۭتۍ اکھ طالبہِ علم ہلاک تہٕ باقی 15 زخمی ۔
تٔمۍ ووٚن زِ زخمیَن آیہِ علاج خٲطرٕ گورنمنٹ میڈیکل کالج ہندواڑہ منتقل کرنہٕ، ییٚتہِ ترٛٮ۪ن ہٕنٛز حالت تشویشناک چھِ ونٛنہٕ یِوان۔