18 اپریل دُپہر پٮ۪ٹھ 20 اپریل تام کٔشیٖرِ منٛز خراب موسم مُمکِن۔

ہِنٛدُستٲنہِ موسمیات محکمَن (آٮٔی ایم ڈی) چھُ یِنہٕ والٮ۪ن دۄن دۄہَن دوران مغربی ڈسٹربنس کہِ نٔتیٖجَس منٛز وادی کٔشیٖرِ منٛز شیٖنٕچ پیشین گوئی کٔرمٕژ۔

مُتعلقہٕ محکمہٕ کِس ترجُمانَن ووٚن زِ 18 اپریل دُپہرَس پتہٕ ہٮ۪کہِ اکھ فعال مغربی ہوا وادی منٛز دٲخٕل گژھِتھ، ییٚمیُک اثر 20 اپریل تام جٲری روزِتھ۔
تٔمۍ ووٚن زِ وادی کٮ۪ن پہٲڑی علاقن منٛز 18 اپریل دُپہرَس پٮ۪ٹھ 19 اپریل شامَس تام ہلکہٕ پٮ۪ٹھٕ درمیٲنی شین پینُک امکان، ییٚلہِ زَن مٲدٲنی علاقَن منٛز گرج چمکُک امکان چھُ تہٕ اتھ وقتس دوران چھُ کینٛہَن جایَن تیز ہوہُک تہِ امکان تہٕ کینٛہَن جایَن پٮ۪ٹھ چھُ ژالہ پینُک امکان