جوٚم-سرینگر شاہراہٕچ بحٲلی حکوٗمتٕچ اولین ترجیح: عمرعبداللہ

جموں و کشمیرُک وزیر اعلیٰ عمر عبداللہَن کوٚر بۄموارِ دۄہ رام بن ضلعہٕ کٮ۪ن مُتٲثِر علاقَن ہُنٛد دورٕ، حالٕے سٮ۪ٹھا روٗد، اوٚبر پھٹنہٕ تہٕ پَسٮ۪و سۭتۍ گژھَن واجیٚنۍ تبٲہی پتہٕ۔

خبرو مُطٲبِق کوٚر عمر عبداللہَن پننِس سیٲسی مشیرَس ناصر اسلم وانی یَس سۭتۍ بۄموارِ دۄہ صُبحٲے ہیلی کاپٹر ذٔریعہٕ چندرکوٹ واتنہٕ پتہٕ سیری کِس مُتٲثِر علاقُک دورٕ، ییٚتہِ ڈپٹی کمشنر رام بن بصیر الحق چودھریَن تٔمِس زمینی صورتہِ حالَس مُتعلِق زانٛکٲری دِژ۔
وزیر اعلیٰ گوٚو مُتٲثِر جایَن کُن تہٕ بوزُن مُتٲثِر خاندانَن ہٕنٛدۍ مسلہٕ۔