بہٕ چھُس تِمَن رِیاستَن ہٕنٛدٮ۪ن وزیر اعلیٰ ہن سۭتۍ رٲبطَس منٛز ییٚتہِ پٮ۪ٹھٕ کٲشِرۍ طٲلب علمَن دھمکی دِنٕچ خبرٕ چھِےٚ: عمرعبداللہ

وزیر اعلیٰ عمر عبداللہ ہَن ووٚن زِ جموں و کشمیر حکومت چھِ تِمَن ریاستَن ہٕنٛدٮ۪ن حکومتَن سۭتۍ رٲبطَس منٛز ییٚتہِ پٮ۪ٹھٕ کٲشِرۍ طالبہِ علمَن خطرٕچ خبرٕ چھِ آمٕژ۔ تٔمۍ ووٚن زِ بہٕ چھُس یِمَن رِیاستَن منٛز پننٮ۪ن ہم منصبَن سۭتۍ تہِ رٲبطَس منٛز تہٕ چھُس تِمَن اضٲفی احتیاطی تدابیر اختیار کرنٕچ درخواست کٔرمٕژ۔
وزیر اعلیٰ ہن ووٚن یہِ کتھ برٛسوارِ دۄہ پارٹی ترجمان عمران نبی ڈار سٕنٛدِس أکِس پوسٹہٕ کِس جوابس منٛز یَتھ منٛز تٔمۍ ووٚن: "سوشل میڈیاہَس پٮ۪ٹھ چھِ واریٛاہ ویڈیو بٔڑِس پیمانَس پٮ۪ٹھ شیئر کرنہٕ یِوان یَتھ منٛز سٲرِسٕے مُلکَس منٛز کٲشِرۍ طالبہِ علمَن دھمکی دِنہٕ چھِ یِوان، بہٕ چھُس عمر عبداللہ صٲبس درخواست کران زِ سُہ کرِ مداخلت تہٕ سٲرِسٕے مُلکَس منٛز پننٮ۪ن ہم منصبَن سۭتۍ کَتھ باتھ۔
عمر عبداللہَن ووٚن ایکس یَس پٮ۪ٹھ أکِس پوسٹَس منٛز زِ "جموں و کشمیرٕچ حکومت چھِ تِمَن ریاستَن ہٕنٛدٮ۪ن حکومتَن سۭتۍ رٲبطَس منٛز ییٚتہِ پٮ۪ٹھٕ یِم رپورٹ چھِ یِوان”۔