پٲکِستٲنۍ فوجَن کٔر لگاتار ژوٗرِمہِ دۄہ تہِ کٔشیٖرِ ایٚل او سیس پٮ۪ٹھ گولہٕ بٲری۔

پٲکِستٲنۍ فوجَن کٔر لگاتار ژوٗرِمہِ دۄہ جموں و کشمیرَس منٛز لائن آف کنٹرول (ایل او سی) پٮ۪ٹھ بےٚ اشتعال گولہٕ بٲری، ییٚمہِ سۭتہِ ہِنٛدُستٲنہِ فوجَن مُنٲسِب جواب دِیُت۔
ہِنٛدُستٲنہِ فوجٕکہِ طرفہٕ جٲری کرنہٕ آمتِس أکِس بیانَس منٛز ووٚن زِ 27-28 اپریل چہِ درمیٲنی رٲژ کٔر پٲکِستٲنہِ فوجی چوکٮ۪ن کُپواڑہ تہٕ پوٗنٛچھ ضِلعہٕ کیٚن أنٛدِ پٔکہِ علاقن منٛز لۄکٹیٚو ہتھیارو سۭتہِ بےٚ اشتعال گولہٕ بٲری، ییٚمہِ سۭتہِ ہِنٛدُستٲنہِ فوجن فوری تہٕ مُتٲثر جواب دِیُت۔ ‘‘
22 اپریل کوٚر دہشت گردَو جموں و کشمیر کِس پہلگام کِس وادی بیسرانَس منٛز 26 سیاح گولہِ سۭتۍ ہلاک۔ اَمہِ پتہٕ چھِ سیکورٹی فورسَو وادی منٛز دہشت گردَن خٕلاف تلاشی مہم شُروٗع کٔرمٕژ۔ اَمہِ دہشت گردٕ حملہٕ پتہٕ چھِ ہِنٛدُستان تہٕ پٲکِستانس درمِیان تناو ہِنٛز صوٗرتہِ حال پٲدٕ گٔمٕژ۔